भांगरभूंय | प्रतिनिधी
दोळ्यां सकयल डार्क सर्कल येवपा फाटल्यान जायतीं कारणां आसात. जशें पिराय वाडप, जेनेटिक्स, वायट खावपाची संवय, वैजकी स्थिती वा चुकीची कातीची जतनाय घेवपी उत्पादन हाका लागून अशें जाव येता. जायते वेळार ही दोळ्यां सकयली डार्क सर्कल खूब दाड दिसतात. जायती जाणा मेकअपाच्या आदारान ती लिपोवपाचो यत्न करतात. पूण सतत मेकअप वापरल्यार कातीचेंय लुकसाण जावं येता. अशे स्थितींत कांय घरगुती उपाय करुन ताचे पसून सुटका मेळूं येता.
डार्क सर्कल पसून सुटका मेळोवपाचे घरगुती उपाय…
तवशाचो रोस
तवशांच्या रोसांत अँटी ऑक्सिडेंट गुणधर्म आसतात. तवशा पसून कातीक जीवनसत्व सी, जीवनसत्व के आनी अँटी इंफ्लेमेटरी गुणधर्म मेळटात. जें काती खातीर फायदेशीर आसता. तवशाचे गोल कुडके कापून दोळ्यांचेर दवरूं येतात. वा कापसाच्या आदारान तवशाचो रोस दोळ्यां सकयल लावंक शकतात. हो रोस दोळ्यां सकयल सावन 10 ते 20 मिनटां दवरचो. मागीर तोंड धुवचें.
बदामाचें तेल
दोळ्यां सकयल जीवनसत्व ई भरपूर आशिल्लें बदामाचें तेल लायल्यार डार्क सर्कल उणे करूं येतात. रातच्या वेळार न्हिदेच्या आदीं डार्क सर्कलाचेर बदामाचें तेल लावचें आनी सकाळीं तोंड धुवचें.
बटाट
बटाटांत ब्लिचिंगाचे गूण आसतात. बटाटातल्यान कातीक जीवनस्तव ए, जीवनस्तव सी आनी फायदेशीर अंजाइम्स मेळटात. बटाटाचो रोस दोळ्यां सकयल लावचो आनी तो 10 ते 15 मिनटां दवरचो आनी उपरांत तोंड धुवचे. दिसांतल्यान दोन फावटीं तरी बटाटाचो रोस लायल्यार डार्क सर्कल उणे जातात.
टमाट
तांबड्या टमाटांत ब्लिटिंग गुणधर्म आसतात. तातूंत अँटीऑक्सिडेंट लायकोपीन आसता. जाका लागून डार्क सर्कल उणे जातात. तांतूत जीवनस्तव ए, ब आनी सी सयत कॅल्शियम सारकिल्लीं खनिजां आसतात जीं डार्क सर्कल उणे करतात. टमाटाचो रोस डार्क सर्कलाचेर 10 मिनटां लावचो.
थंड दूद
डार्क सर्कल उणे करपाक थंड दूद हो सगळ्यांत बरो उपाय. एक कापसाचो गुळो दुदांत भिजोवन डार्क सर्कलाचेर 15 मिनटां लावचो आनी मागीर तोंड धुवचें.
एलोवेरा जेल
डार्क सर्कल उणे करपाक अँटी इंफ्लेमेटरी गुणधर्मांनी भरिल्लें एलोवेरा जेल लावंक शकतात. हाचो कातीचेरूय बरो परिणाम जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
