भांगरभूंय | प्रतिनिधी
भांगरभूंय । प्रतिनिधी
पणजीः गोंय पुलिसांच्या घुवळी वखदां विरोधी पंगड आनी गुन्यांव फाट्यान तशेंच राज्यांतल्या हेर पुलीस स्टेशनांनी 1 जानेवारी तें 28 फेब्रुवारी ह्या दोन म्हयन्यांत घुंवळी वखदां प्रकरणांत 40 गुन्यांव नोंद करून 52 जाणांक अटक केली. तांचे कडल्यान 1 कोटी 9 लाख 23 हजार 100 रुपया मेोलाचे 43.382 किलो घुंवळी वखदां जप्त केल्यांत. पोरूं वर्साचे तुळेंत हें प्रमाण 81.81 टक्के चड आसा.
घुंवळी वखदां प्रकरणांत अटक केल्ल्यां मदी 30 जाण गोंयां भायले, 17 जाण गोंयचे आनी 5 जाण विदेशी आसात. तातूंत दोन जाण नायजेरियन, दोन युगांडा आनी एकलो फ्रान्स नागरीक आसा. जप्त केल्ल्या घुंवळी वखदांत 41.572 किलो गांजो, चरस, 1.386 किलो हशीश तेले, 29.72 ग्राम एमडीएमए, 109.52 ग्राम कोकेन, 8 ग्राम एम्फेथामायन, 10 ग्राम मेथाफेमेथामायन, 237 ग्राम केटामायन, तशेंच अॅक्टेसी, हेरायन, कोकेन हांचो आसपाव आसा.
हणजूण, कळंगुटे, वास्को, पोरणे गोंय, आगशी, कोलवा, पेडणे, म्हापशें, फोंडे, काणकोण, कोलवाळ, फातोड्डें, मडगांव, वेर्णा, दिवचल, मुरगांव, पणजी आनी पर्वरी पुलीस स्टेशनाचे हद्दींत हे घुंवळी वखदाचें गुन्यांव घडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
