भांगरभूंय | प्रतिनिधी
भांगरभूंय । प्रतिनिधी
फोंडें: काँग्रेस पक्षान लोकांच्या फुडारा कातीर सरकारी येवजण्यो चालीक लावंक नात, पूण फाटल्या 10 वर्सांत भाजपा सरकारान सुरू केल्ल्या दरेके येवजणेचो लाव गांवगिऱ्य वाठारांतल्या लोकांक मेळटा. गोंयांतल्यो लोकसभेच्यो दोनूय सुवातो जिखून प्रधानमंत्री नरेंद्र मोदी हांचे हात घटमूट करचे, असो उलो मुख्यमंत्री डॉ. प्रमोद सावंत हांणी मारलो. फोंड्यां विकसीत भारत संकल्प पत्र अभियान कार्यावळींत ते उलयताले.
ह्या वेळार माचयेर शेतकी मंत्री रवी नायक, आदले खासदार नरेंद्र सावयकार, अॅड. मनोहर आडपयकार, फोंडें भाजप मंडळाचे अध्यक्ष विश्वनाथ दळवी, नगराध्यक्ष रितेश नायक, उपनगराध्यक्ष दीपा कोलवेंकार आनी अनिता कवळेंकार हाजीर आशिल्ली.
दक्षीण गोंयचे खासदार फ्रान्सीस सार्दीन हांणी फाटल्या 5 वर्सांत फोंडें म्हाला कडेन आडनदर केली. सध्याचे मंत्री रवी नायक हांणी भाजपांत प्रवेश करून फोंडें मतदारसंघांत पयलेच खेपे भाजपाक जैतवंत केलो. प्रधानमंत्री नरेंद्र मोदी तिसरे खेपे प्रधानमंत्री जावन लोकांच्यो समस्या सोडोवपाचे आनीक यत्न करतले. ते खातीर विकसीत भारत संकल्प पत्र अभियानांतल्यान लोकांच्यो समस्या समजून घेवपाक सुरवात केल्या, अशें मुख्यमंत्र्यान सांगलें. फोंडेंचे नगराध्यक्ष रितेश नायक हांणी येवकार दिलो. अनिता कवळेंकार हांणी उपकार मानले. नगरसेवक आनंद नायक हांणी सुत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
