भांगरभूंय | प्रतिनिधी
पणजी : दोनापावला मणिपाल हॉस्पिटला लागसार आलिशान गाडयेचो धपको दुचाकीक बसून जाल्ल्या भिरांकूळ अपघातांत तरणाटे चलयेक मरण आयलें. दिक्षा परवारकार (२३) अशें तिचें नांव. अपघातांत एकलो गंभीर जखमी जाला.
हे विशीं मेळिल्ले म्हायती प्रमाण, गाडयेचो मोटारसायकलीक नेटान धपको बशिल्ल्यान हो अपघात जालो. ह्या अपघातांत दीक्षा परवारकार हाका जाग्यारूच मरण आयलें. अपघाता उपरांत गंभीर अवस्थेंत ताका हॉस्पिटलांत व्हेल्लें. थंय दोतोरांनी ताका मरण आयिल्ल्याचें सांगलें. गंभीर जखमी जाल्ल्या आनीक एकल्याचेर हॉस्पिटलांत उपचार सुरू आसात.
घडणुके सुवातेर हाजीर आशिल्ल्या नागरिकांनी जखमीक बेगोबेग हॉस्पिटलांत दाखल केलो. पुलिसांनी पंचनामो केलो. सध्या अपघात नेमको कित्याक लागून जालो हाचो सोद ते घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
