भांगरभूंय | प्रतिनिधी
भांगरभूंय । प्रतिनिधी
पणजीः 8वो गोंय हॉस्पिटेलिटी शो 18 तें 20 ऑगस्ट मजगतीं दोनापावलाच्या डॉ श्यामा प्रसाद मुखर्जी इनडोअर स्टेडियमांत जातलो. पयलीं गोंय फूड अॅण्ड हॉस्पिटेलिटी एक्सो ह्या नावांन हें प्रदर्शन भरतालें. हो शो पश्चीम विभाग अतुल्य भारत, पर्यटन मंत्रालयाच्या पालवान जातलो.
पुराय देशांत नामना मेळयल्ल्या ह्या प्रदर्शनांत देशांतले 100परस चड उत्पादक आनी पुरवठादार आपलीं वेपारी कॅटरींग उपकरणा, रेफ्रिजेरेशन, एफ आनी बी उत्पादना, टेबलवॅर, हावसकिपींग सर्व्हिस, गॅस्ट रून टॅक्नोलॉजीस, इंटेरियर आनी लेजर उत्पादनां मांडटले.
गोंयच्या हॉस्पिटेलिटी आनी पर्यटन वेवसायिकां खातीर नेटवर्किंग, हॉटेल ऑलिम्पीक, कुलनरी आव्हाना आनी वर्कशॉप प्रदर्शना मजगतीं आयोजीत करतले. वेगवेगळ्या विशयांचेर गटवार चर्चा, म्हायती परिसंवाद आनी हेर कार्यावळी जातल्यो. हो गोंय हॉस्पेटेलिटी शो मीडिया प्रोमोशन प्रा. लिमीटेड गोंय आनी हॉस्पेटेलिटी फर्स्ट, मुंबय हांणी आयोजीत केला. गोंय हॉटेल्स अॅण्ड रेस्टॉरन्ट असोसिएशन, ट्रेव्हल अॅण्ड टुरिझम असोसिएशन ऑफ गोवा, कुलनरी फोरम ऑफ गोवा तांतूंत वांटेकार जातले.
प्रदर्शनांत स्टॉल घालपाक इत्सूक आशिल्ल्यांनी चेतन साळवी (9821331426 हाचे कडेन पूर्व नोंदणे खातीर संपर्क सादचो ना जाल्यार https://www.goahospitalityshow.com/visitor-registration.html हे वेबसायटीर उपलब्द आशिल्लो फॉर्म भरून धाडचो अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
