भांगरभूंय | प्रतिनिधी
पणजी : गोवा मेडिकल कावंन्सीलान बिरेस्तारा एक अधिसुचोवणी जारी केल्या. तांचे कडेन संबंदीत आशिल्ल्या सगळ्या दोतोरांक तांच्या परवान्यांचें ३० दिसां भितर नुतनीकरण करपाचे आदेश दिल्यात. जांच्या परवान्यांची मुजत ३१ डिसेंबर २०२४ दिसा सोंपल्या अश्या दोतोरांक परवान्याचें नुतनीकरण करचें पडटलें.
गोवा मेडिकल कावंन्सीलाच्या रजिस्ट्रारान जारी केल्ले अधिसुचवणे प्रमाण, दिल्ल्या वेळा भितर दोतोर आपल्या मुजत सोंपिल्ल्या परवान्यांचें नुतनीकरण करपाक अपेशी थारल्यार तांची नोंदणी रद्द करतले. गोवा मेडिकल कावन्सील कायदो, १९९१ चे कलम २३ आनी नेम ६१ तशेंच ३१ डिसेंबर दिसा जाल्ले कावन्सीलचे बसकेंत मंजूर जाल्ल्या थारावा प्रमाण ही कारवाय जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
