भांगरभूंय | प्रतिनिधी
दोडामार्ग, खबरां संस्था ः वडाचे पुनवे निमतान पणस काडपाक गेल्ल्या मांगेली फणसवाडीचो विष्णु लाडू गवस (49) हाचेर वांश्वेलान (अस्वल) हल्लो केल्ल्यान तो जखमी जालो. पूण ताणें मजती खातीर आड्डी मारिल्ल्यान वांश्वेलान पळ काडलो. पूण गवसाचेर मांडयेर हल्लो केल्ल्यान तो गंभीर जखमी जालो. थळाव्यांनी ताका दोडामार्ग ग्रामीण हॉस्पिटलांत हाडलो. डॉ. अनिकेत गुरव हांणी मुळावे उपचार करुन ताका फुडल्या उपचारा खातीर जीएमसींत धाडलो.
मेळिल्ले म्हायती प्रमाण, मंगळार वडाची पुनव आशिल्ली. हे खातीर पणस काडपाक विष्णु गवस गेल्लो. पणसाच्या झाडा कुशीक एक वांश्वेल पणस खातालें, तें ताका दिसूंक ना. जेन्ना पणस काडपाक गवस झाडा सकयल गेलो तेन्ना थंय आशिल्ल्या वांश्वेलान ताचेर हल्लो केल्लो. त्या वेळार गवस जीव वाटावपा खातीर धांवपाक लागलो तेन्ना वांश्वेलान गवसाच्या उजव्या पांयाचे मांडयेर एका दावखूल मारलें. वांश्वेलाचीं नाखटां गवसाच्या मांडयेंत लागून जखम जाली आनी रगत व्हांवूक लागलें. ह्या वेळार तो आपलो जीव वाटावपा खातीर आड्डलो. भियेवन वांश्वेलान पळ काडलो. देखून गावसाचो जीव वाटावलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
