भांगरभूंय | प्रतिनिधी
मोपा वयल्यान देशांतल्या सगल्या विमानतळांंचेर थेट विमानां
प्रधानमंंत्र्यां हस्तुकीं वंंदे भारत एक्स्प्रेस रेल्वेचें उक्तावण
भांंगरभूंंय प्रतिनिधी
पणजी : रेल्वे मार्गाचें दोट्टीकरण जाले उपरांंत मडगांव – मुंंबय वंंदे भारत एक्स्प्रेस रेल्वे 5 वरांंत मुंंबय पावतली. रेल्वे मार्गाच्या दोट्टीकरणाक लागून प्रवासाचो वेळ उणो जातलो. तशेंच मोपा विमानतळा वयल्यान देशांतल्या सगल्यां विमानतळांचेर थेट विमानसेवा सुरू जातली, अशें मुख्यमंंत्री डॉ. प्रमोद सावंंत हांंणी सांंगलें.
प्रधानमंंत्री नरेंद्र मोदी हांंणी व्हर्च्युअली पद्दतीन मडगांव – मुंंबय वंंदे भारत एक्स्प्रेस रेल्वेचें बावटो दाखोवन उक्तावण केले. ह्या वेळार मडगाव रेल्वे स्थानकाचेर कार्यावळ जाली. राज्यपाल श्रीधरन पिल्लई, मुख्यमंंत्री डॉ. प्रमोद सावंत, केंंद्रीय मंत्री श्रीपाद नायक, पर्यटन मंत्री रोहन खंंवटे, महाराष्ट्राचे मंंत्री रवींद्र चव्हाण, खासदार विनय तेंडुलकार, आमदार दिगंंबर कामत आनी अधिकारी हाजीर आशिल्ले.
मडगांव – मुंंबय वंंदे भारत एक्स्प्रेस ही सेमी एक्स्प्रेस गाडी आसा. हाका लागून मुंंबय वचपाक सध्या 8 वरांं लागतली. कोंकण रेल्वेचें दोट्टीकरण करपाचो प्रस्ताव आसा. दोट्टीकरणा उपरांंत रेल्वे प्रवासाचो वेळ उणो जातलो. मडगांव रेल्वे स्थानक हे गोंयची गेटवे आसा. मडगांव स्थानकाचे सोबितीकरण जातले. मोपा विमानतळाक रेल्वे लायन जोडपाचो प्रस्ताव आसा. मुरगाव बंंदर राष्ट्रीय म्हामार्गाक जोडपाचें काम सुरू आसा. मुरगांव बंंदरांतल्यान पर्यटन कार्यावळी सुरू जातल्यो, अशें मुख्यमंंत्र्यांंनी सांंगलें.
वंदे भारत रेल्वे गोंयच्या पर्यटना सयत उदरगतीक उर्बा दिवपी थारतली. वंंदे भारत रेल्वेक रोखडेच स्लीपर कोचीस जोडटले, अशें केंंद्रीय पर्यटन राज्य मंंत्री श्रीपाद नायक हांंणी सांगलें.
मडगांव – मुंंबय वंदे भारत रेल्वेक लागून कनेक्टिव्हिटींत सुदारणा जातली. ह्या रेल्वेचो मुंंबय वचपी लोकांक लाव जातलो, अशें पर्यटन मंंत्री रोहन खंंवटे हांंणी सांंगलें.
उत्कृश्ट प्रवास सेवेचो अणभव वंंदे भारत एक्स्प्रेस रेल्वेंतल्यान मेळटलो, अशें महाराष्ट्राचे मंंत्री रवींद्र चव्हाण हांंणी सांंगलें. खासदार विनय तेंडुलकार आनी आमदार दिगंबर कामत हांंचेय ह्या वेळार उलोवप जाले. कोंकण रेल्वेचे मुखेल वेवस्थापकी संचालक संंजय गुप्ता हांंणी येवकाराचे उलोवप केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
