भांगरभूंय | प्रतिनिधी
फुडल्या वर्सा जातली जनगणना
नवी दिल्ली, खबरां संस्था: २०२५ त भारताचे लोकसंख्या वाडपाचो दर ०.९% आसतलो. २०२५ वर्सा ती १४६ कोटी मेरेन पावपाची शक्यताय आसा. संयुक्त राश्ट्रांच्या समाजीक- आर्थीक एजन्सी UNDESA न एप्रिल २०२३ वर्सा भारताची लोकसंख्या १४२ कोटी वा ताचे परस चड आसतली असो अदमास काडला, जी चीनाच्या लोकसंख्ये इतलीच आसा.
UNDESA च्या म्हणण्या प्रमाण २०३५ मेरेन भारतांतली उत्पादकता वाडटली. कारण कार्यरत नाशिल्ले लोकसंख्येचें (१५ वर्सां परस उणें आनी ६४ वर्सा परस चड) कार्यरत लोकसंख्येचेर (१५ ते ६४ वर्सां) अवलंबित्व फुडलीं ११ वर्सां सेगीत उणीं जावपाची अपेक्षा आसा.
२०२५ वर्साचे जनगणनेचे आंकडेवारींतल्यान खूबशी नवी म्हायती मेळटली. तशेंच २०२१ वर्सा जनगणना जावंक नाशिल्ल्यान निमाणो जनगणनेचो डेटा संयुक्त राष्ट्र, संवसारीक बँक आनी हेर एजन्सीच्या आंकड्यां कडेन जुळोवप मनोरंजक थारतलें. भारताच्या २०११ वर्साच्या जनगणनेच्या आंकडेवारी प्रमाण देशाची लोकसंख्या १२१ कोटी परस चड आशिल्ली.
२०६२ उपरांत लोकसंख्या उणी जावंक लागतली
अदमासा प्रमाण, भारताची लोकसंख्या २०६२ उपरांत उणी जावपाक लागतली. सरकारी आंकडेवारी प्रमाण देशांतलें वर्सुकी लोकसंख्येचें प्रमाण २०११ वर्सा १.६४% आशिल्लें, जें स्वातंत्र्या उपरांतचें सगळ्यांत उणें, १९५१ वर्सा फकत १.२५% आशिल्लें, कारण मरणाचें प्रमाण खूब वाडिल्लें.
तुमी स्वताय ऑनलायन म्हायती भरूं येता हे खेपे दारांतल्यान दारांत जनगणना सोडल्यार लोकांक ऑनलायन जनगणना फॉर्म भरून सगळो तपशील स्वता भरपाचो पर्याय मेळटलो. हे खातीर जनगणना प्राधिकरणान स्वताची गणना पोर्टल तयार केला. स्वताची गणना करतना दरेकल्याक ह्या पोर्टलाचेर आधार क्रमांक आनी मोबायल क्रमांक सक्तीन घालचो पडटा.
फुडली जनगणना २०३५ वर्सा जातली. २०२५ वर्साचे जनगणने सावन नव्या जनगणनेचें चक्र सुरू जातलें. २०२५ उपरांत २०३५ आनी २०४५ वर्सा जनगणना जातली. १८८१ सावन दर धा वर्सांनी जावपी ही जनगणना २०२१ वर्सा जावपाची आशिल्ली आनी ताका ३ वर्सां कळाव जालो. हो पुराय सराव २ ते २.५ वर्सांनी पुराय जातलो.
अशे परिस्थितींत हो डेटा २०३१ वर्सा मेरेन मर्यादीत करप तर्कसंगत थारचें ना. हे खेपे जनगणना डिजिटल पद्दतीन जातली आनी सेल्फ काउंटिंग अॅपाचोय आदार घेतले. जनगणनेचें काम ३ वर्सांनी म्हळ्यार १८-२४ म्हयन्यांनी पुराय करपाचे यत्न जातले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
