भांगरभूंय | प्रतिनिधी
नवी दिल्ली, खबरां संस्था ः देशांतल्या वेगवेगळ्या न्यायालयांनी 4.4 कोटी खटले प्रलंबीत आसात. तातूंतले 2.21 कोटी खटले 3 वर्सां मेरेनचे पोरणें आसात. जाल्यार उरिल्लें वेगवेगळ्या 15 कारणांक लागून प्रलंबीत आसात.
आशिल्ले प्रस्न सोडयल्यार एका वर्सात 2.19 कोटी खटल्यांचो निकला लागू शकता. ही म्हायती केंद्र सरकार वरवीं प्रलंबीत आशिल्ल्या प्रकरणां विशींच्या अहवालांतल्यान मुखार आयल्या. नॅशनल ज्युडिशियल डेटा ग्रिडाच्या सहकार्यान तयार केल्ल्या अहवाला प्रमाण पुलिसांनी काम पुराय करूंक नाशिल्ल्यान 91 लाख 91 हजार 693 खटले प्रलंबीत आसात.
18 लाख 17 हजार 771 खटले अशें आसात, जांचे नोंदी पुलीस स्टेशनां आनी कनिश्ठ न्यायालयांतल्यान मेळनात. वर्सां सावन खटले प्रलंबीत आशिल्ल्यान संबंदीत नोंदी ना जाल्यात. 10.17 लाख खटले अशें आसात जे 10 लाखां परस चड पोरणें आसात. ह्या प्रकरणां कडेन संबंदीत लोकांनी न्यायाची आस्त सोडल्या आनी ते न्यायालयांत येनात.
14 कारणांक लागून खटले प्रलंबीत
| प्रलंबीत कित्याक? | 2022-23 | 2023-24 |
| आरोपी फरारी घोशीत | 36,20,029 | 41,79,306 |
| वकील हाजीर नात | 61,57,268 | 75,24,694 |
| साक्षीदार न्यायालयांत हाजीर नाशिल्ले | 28,73,894 | 31,94,616 |
| रेकॉर्ड गायब | 29,957 | 18,17,771 |
| दस्तावेज पावलें नात | 14,58,411 | 17,80,576 |
| पक्षकारांनी येवप सोडले | 8,82,102 | 10,17,850 |
| आदेशांक आव्हान | 5,32,176 | 5,79,294 |
| वादी मेल्लो, वारसदार ना | 1,48,031 | 1,97,414 |
| ल्हान अर्ज | 1,43,859 | 1,82,742 |
| २० परस चड साक्षीदारांतले | 66,476 | 96,816 |
| डिक्री लागून आडखळ | 1,01,700 | 94,327 |
| उच्च न्यायालयांतल्यान स्टे | 91,546 | 96,491 |
| सर्वोच्च न्यायालयांतल्यान स्टे | 1755 | 1698 |
| हेर कारणांक लागून स्टे | 22,63,870 | 30,05,349 |
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
