भांगरभूंय | प्रतिनिधी
नवी दल्ली, खबरां संस्था: देशांत मान्सून अंदूं ७% चड पावसान सोंपता. सरासरी पावसाचे टक्के १७ सप्टेंबराकूच पुराय जालें. २०१९ सावन आतां मेरेन, ७ वर्सांनी सवे फावटीं मान्सून सरासरी परस चड जालो. २०२३ सोडून, दर वर्सा चड पावस पडलो. सेगीत दुसरे वर्सा ला-निना परिस्थिती बगर तटस्थ वर्सा चड पावस पडलो. तटस्थ वर्स अशें आसता जेन्ना दर्याचें तापमान चड वाडिल्लें वा उणें जाल्लें नासता. म्हळ्यार एल-निनो वा ला-निना परिस्थिती तयार जायना. साधारणपणान, ला-निना वर्सा सामान्या परस चड पावस पडटा. एल-निनो आनी तटस्थ वर्सा सामान्या परस उणो पावस पडटा.
२५ वर्सांनीफकत चार फावटीं मान्सून चड आशिल्लो: २०१३, २०१९, २०२४ आनी आतां २०२५. उरिल्ल्या १० वर्सांनी, पावसाचें प्रमाण ० ते २१% उणें आशिल्लें. अंदूं, देशांत आतां मेरेन ८९३.८ मिमी पावस पडला, जो सामान्य ८६८.६ मिमी परस ७.४% चड आसा.
फुडें कितें? नोव्हेंबर सावन शीं पडपाची शक्यताय उणी: १४ सप्टेंबराक पश्चीम राजस्थानांतल्यान मान्सून फाटीं सरता. सोमार मेरेन तो अर्दो पंजाब, अदोर्र् हरियाणा, अर्दो गुजरात सोडून गेल्लो. मान्सूनाची देशांतल्यान परतपाची तारीख १५ ऑक्टोबर आसा. हवामान संस्थां प्रमाण, ऑक्टोबर ते डिसेंबर मजगतीं ला निना तयार जावपाची ७१% शक्यताय आसा. डिसेंबर ते फेब्रुवारी मजगतीं तो तयार जावपाची ५४% शक्यताय आसा. हाचो अर्थ नोव्हेंबर मेरेन शीं पडपाची शक्यताय उणी आसा. जानेवारींत सामान्य परस चड शीं पडपाची शक्यताय आसा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
