भांगरभूंय | प्रतिनिधी
नवी दिल्ली, खबरां संस्था : देशांतली प्रिमीयम अर्थवेवस्था खूबच वाडल्या. हाचीं जायतीं उदाहरणां मुखार आयल्यांत. देखीक २०१९ ते जानेवारी २०२४ मेरेन, प्रवासी वाहनांची विक्री सुमार २० % वाडली, मात एसयुव्ही विक्रेंत १४०% वाड जाली. प्रिमियम उत्पादनां कंपनी नेस्ले इंडियाचे विक्रेंत सुमार ५३% वाड जाली. हिंदुस्थान युनिलिव्हरचे विक्रेंत ३९%, प्रिमियम रिटेल चेन ट्रेंटन१३०% वाड, जाल्यार मास रिटेल चेन डी-मार्टान सुमार ७०% वाड जाल्या.
गोल्डमन सॅकच्या अहवालांत म्हणलां की, त्याच कंपनींच्या प्रीमियम श्रेणींत वेगान वाड जाल्या. युनिलिव्हरचे प्रिमियम ब्रँड आनी मास ब्रँड हांचे वाडींत फरक आसा.
प्रिमियम गिरायकां वाडटात
रिझर्व्ह बँकेच्या आकडेवारी प्रमाण, २०२२ त ६.७ कोटी करदात्यांनी आयकर रिटर्न भरले. हातूंतल्या ८० लाखांनी १० लाखां परस चड वर्सुकी उत्पन्न घोशीत केलां. २०१७- २०२२ मजगतीं आयकर रिटर्न भरपी करदात्यांची वर्सुकी ८% वाड जाल्या, १० लाखां परस चड उत्पन्न घोशीत करपी करदात्यांनी १९ % वाड केल्या. फाटल्या चार वर्सांनी क्रेडीट कार्ड्सचो आंकडो, जी २०१८-१९त ४.७ कोटी हे बाबतींत सुमार दुपेटीन वाड जाली.
शेअर्स वाडपाची शक्यताय
हो ट्रेंड पळयल्यार, टायटन, अपोलो हॉस्पिटल्स, मेकमायट्रिप, आयशर मोटर्स, झोमॅटो, देवयानी, सॅफायर आनी फिनिक्स मिल्सच्या शेअर्सांत गुंतवणूक केल्यार येवपी कांय म्हयन्यांत घटमूट फायदो जावपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
