भांगरभूंय | प्रतिनिधी
नवी दिल्ली, खबरां संस्था: देशांत सदांच कोरोना विशाणूचे सुमार ४०० नवे दुयेंती मेळटात आनी ५-६ दुयेतींक मरण येता. फाटल्या ८ दिसांनी कोरोना विशाणूच्या ३०४५ दुयेंती मदीं वाड जाल्या. ५२ जाणांक मरण आयलें.
३० मेक, भलायकी विभागान देशांत २७१० सक्रीय दुयेंती आनी ७ मरण आयिल्ल्यांची नोंद केल्ली. ७ मेक हो आंकडो ५७५५चेर पावलो आनी ५९ जाणांक मरण आयलें.
शेनवारा कर्नाटकांत आनीक दोगां दुयेतींक मरण आयलें. गुजराताक १८३, महाराष्ट्रांत ८६ आनी कर्नाटकांत ५७ कोरोनाचे नवे दुयेंती सांपडले. अशे तरेन, सक्रिय दुयेतींचो आंकडो ६०८१ चेर पावला आनी मरण आयिल्ल्यांचो आंकडो ६१चेर पावला.
मजगतीं, गोंयांत सध्या णव दुयेंती सक्रीय आसात.
गुजरात सरकारान म्हणलां, आमी कोविडा कडेन लढपा खातीर पुरायेन तयार आसात. हॉस्पिटलांनी बेड, व्हेंटिलेटर आनी आयसीयू बेडची वेवस्था केल्या.
भलायकी मंत्री ऋषिकेश पटेल हांणी, सध्याचो ओमिक्रॉन विशाणू हो कोवीड कुटुंबांतलो. मात तो इतलो गंभीर ना. आमी खंयचेर परिस्थितीचेर नियंत्रण दवरपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
