भांगरभूंय | प्रतिनिधी
नवी दिल्ली, खबरां संस्था: फाटल्या २४ वरांत देशांत कोरोनाच्या नव्या प्रकाराक लागून २ दुयेंतींक मरण आयलां. भलायकी खात्यान दिल्ले म्हायती प्रमाण बंगळुरूंत कोरोना दुयेंस आशिल्ल्या ८४ वर्सां पिरायेच्या दादल्याक मरण आयलां. ह्यान पयलीं ठाण्याक २१ वर्सां पिरायेच्या तरणाट्याक मरण आयिल्लें.
फाटल्या शेनवारा २३ नवे कोरोना दुयेंती सांपडले. रुग्ण आढळले. महाराष्ट्रांतल्या ठाणे हांगच्यान ८, राजस्थान आनी कर्नाटकांत दरेकी ५, उत्तराखंड आनी हरियाणाक दरेकी ३, मध्य प्रदेशांतल्या इंदूराक २ आनी उत्तर प्रदेशांतल्या नोएडाच्यान १ दुयेंती सांपडलो. वट्ट सक्रीय प्रकरणांचो आंकडो ३६३ चेर पावला.
देशभरांत वाडपी दुयेतींच्या आंकड्यांचे फाटभूंयेर केंद्रीय भलायकू सचिवांनी शेनवारा बसकेंत एक आढावो घेतलो. हे बसकेक भारतीय वैजकी संशोधन परिशद (ICMR), भलायकी संशोधन विभाग (DHR), भलायकी सेवा महासंचालक (DGHS) आनी राष्ट्रीय रोग नियंत्रण केंद्र (NCDC) हांचे अधिकारी हजर आशिल्ले.
भलायकी विभागाच्या एका अधिकार्यान सांगलें, केरळ, तामिळनाडू, महाराष्ट्र आनी कर्नाटक राज्यांनी कोविडाचे नवे दुयेंती सांपडल्यात. तशेंच चडशीं प्रकरणां चिंता करपा सारकं नात. चडशे दुयेंती घराच बरे जातात. इंडियन SARS-CoV-2 जीनोमिक्स कन्सोर्टियम (INSACOG) प्रमाण, भारतांत COVID-19 प्रकार NB.1.8.1 चो एक आनी LF.7 प्रकाराचे चार दुयेंती सांपडल्यात. चीन आनी आशियांतल्या वाडपी प्रकरणांत हो प्रकार दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
