भांगरभूंय | प्रतिनिधी
नवी दिल्ली, खबरां संस्था: भारतांत विदेशी पोशिल्ल्या जनावरांची मागणी नेटान वाडत आसा. हातूंत सुण्यांच्यो विदेशी जाती आनी हेर जनावरांचो आसपाव आसा. हे मागणेक लागून तस्करी वाडपाक लागल्या आनी संसर्ग जावपाचोय धोको वाडला.
फाटल्या ५ वर्सांत पोशिल्ल्या जनावरांची आयात चार पटींनी वाडून ४५ हजारां वयर जाल्या. अशें आसून लेगीत हे प्रक्रियेचेर पारदर्शक निरिक्षण जायना वा सरकारी जापसालदारी निश्चीत करूंक ना.
जुलय २०२५ वर्सा एका जनावर कल्याण कार्यकर्त्यान मुंबय विमानतळाक तस्करीचें केंद्र अशें म्हणत महाराष्ट्र सरकाराक अपील धाडिल्ली. ते उपरांत ऑगस्ट २०२५ वर्सा नागरी विमान येरादारी महासंचालनालयान (डीजीसीए) सुचोवण्यो जारी केल्यो.
आतां विमानांत अघोशीत जिवें जनावर मेळ्ळ्यार ताका रोखडेंच परतून आपल्या देशांत धाडटले. ही जापसालदारकी विमान कंपनीची आसतली. तशेंच वळख आनी दस्तावेज सत्यापना खातीर कर्मचार्यांक प्रशिक्षण दिवप सक्तीचें केलां.
खंयच्या जनावरांची आयात करतात?
परदेशांतल्यान भारतांत हाडपी चडश्या पोशिल्ल्या जनावरां मदीं सुणीं, माजर, मका आनी आफ्रिकन ग्रे पोपटा सारकिलीं दुर्मिळ सुकणीं, कोंबो आनी सोरोप सारकिलीं जनावरां, अलंकारिक नुस्तें हांचो आस्पाव जाता. केन्ना केन्नाय जनावरां दुदाचो वेवसाय आनी प्रजनना खातीरूय हाडटात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
