देशांत नितळसाणेंत पणजी पयली

भांगरभूंय | प्रतिनिधी

नितळसाण सर्वेक्षण अहवालांतल्यान म्हायती

भांगरभूंय । प्रतिनिधी

पणजी : पणजी म्हानगरपालिका नितळसाणे बाबतींत देशांतल्या बारीक शारांचे वळेरेंत पयल्या नंबराचेर आसा. गोंयांतल्या शार वाठारांतल्या फक्त पणजी शारांतूच 100 टक्के दारादारांनी वचून कोयर एकठांय जाता आनी ताचेर प्रक्रिया ही 100 टक्के जाता, अशी म्हायती शार उदरगत खात्याच्या नितळ सर्वेक्षण अहवालांतल्यान आयल्या.

नितळ सर्वेक्षण अहवालांत गोंयांतल्या 14 पालिकांचो नितळसाणेचो नियाळ घेवन तांचें रँकींग जारी केलां. नितळसाणे विशीं पणजी म्हानगरपालिका ही वळेरेंत पयले सुवातेर आसा, सांखळी पालिका दुसरे जाल्यार मुरगांव पालिका तिसऱ्या नंबराचेर आसा. जाल्यार सांगें पालिका वळेरेंत सगल्यांत निमाणे सुवातेर आसा.

पणजी शारांत दारादारांनी कोयर एकठांय करपाचें तशेंच ताचेर प्रक्रिया करपाचें प्रमाण 100 टक्के आसा. पूण घरांतूच कोयराचें वर्गीकरण करप म्हणल्यार ओलो-सुको कोयर वेगळो करून दवरपाचें प्रमाण 90 टक्के आसा. कोयर मुक्त शार म्हूण पणजेक 7 स्टार रेटींग मेळ्ळां.

सांखळी पालिकेंत 72 टक्के दारादारांनी वचून कोयर एकठांय जाता जाल्यार कोयराचेर प्रक्रिया करपाचें प्रमाण 98 टक्के आसा. पूण फक्त 6 टक्के घरां ओलो आनी सुको कोयर वेगळो करून दवरतात. मुरगांव पालिका 40 टक्के दारादारांनी वचून कोयर एकठांय करता, पूण ताचेर प्रक्रिया करपाचें प्रमाण फक्त 5 टक्के आसा. 23 टक्के घरां ओलो आनी सुको कोयर वेगळो करून दवरतात.

गोंयांत चवथे सुवातेर येवपी फोंडें पालिका 30 टक्के दारादारांनी वचून कोयर एकठांय करता, पूण ताचेर प्रक्रिया करपाचें प्रमाण 100 टक्के आसा. 11 टक्के घरां ओलो आनी सुको कोयर वेगळो करून दवरतात. पांचवे सुवातेर येता मडगांव पालिका. ती 55 टक्के दारादारांनी वचून कोयर एकठांय करता, पूण ताचेर प्रक्रिया करपाचें प्रमाण 32 टक्के आसा. 33 टक्के घरां ओलो आनी सुको कोयर वेगळो करून दवरतात. सवे सुवातेर येवपी दिवचल पालिका 37 टक्के दारादारांनी वचून कोयर एकठांय करता, पूण ताचेर प्रक्रिया करपाचें प्रमाण 66 टक्के आसा. 32 टक्के घरां ओलो आनी सुको कोयर वेगळो करून दवरतात.

सातवे सुवातेर येवपी वाळपय पालिका 70 टक्के दारादारांनी वचून कोयर एकठांय करता, पूण ताचेर प्रक्रिया करपाचें प्रमाण 44 टक्के आसा. 33 टक्के घरां ओलो आनी सुको कोयर वेगळो करून दवरतात. आठवे सुवातेर येता कुडचडें- काकोडें पालिका, 41 टक्के दारादारांनी वचून कोयर एकठांय करता, पूण ताचेर प्रक्रिया करपाचें प्रमाण 0 टक्के आसा. 40 टक्के घरां ओलो आनी सुको कोयर वेगळो करून दवरतात.

णववे सुवातेर म्हापशे पालिका आसा. ती 55 टक्के दारादारांनी वचून कोयर एकठांय करता, पूण ताचेर प्रक्रिया करपाचें प्रमाण 68 टक्के आसा. 34 टक्के घरां ओलो आनी सुको कोयर वेगळो करून दवरतात.

धावे सुवातेर येवपी केपें पालिका 55 टक्के दारादारांनी वचून कोयर एकठांय करता,  पूण ताचेर प्रक्रिया करपाचें प्रमाण 0 टक्के आसा. 32 टक्के घरां ओलो आनी सुको कोयर वेगळो करून दवरतात.

इकरावे सुवातेर येवपी कुंकळ्ळी पालिका 36 टक्के दारादारांनी वचून कोयर एकठांय करता, पूण ताचेर प्रक्रिया करपाचें प्रमाण 44 टक्के आसा. 36 टक्के घरां ओलो आनी सुको कोयर वेगळो करून दवरतात.

बारावे सुवातेर येवपी पेडणें पालिका 54 टक्के दारादारांनी वचून कोयर एकठांय करता, पूण ताचेर प्रक्रिया करपाचें प्रमाण 0 टक्के आसा. 32 टक्के घरां ओलो आनी सुको कोयर वेगळो करून दवरतात.

तेरावे सुवातेर येवपी काणकोण पालिका 50 टक्के दारादारांनी वचून कोयर एकठांय करता, पूण ताचेर प्रक्रिया करपाचें प्रमाण 0 टक्के आसा. 39 टक्के घरां ओलो आनी सुको कोयर वेगळो करून दवरतात. निमणे सुवातेर येवपी सांगें पालिका 39 टक्के दारादारांनी वचून कोयर एकठांय करता, पूण ताचेर प्रक्रिया करपाचें प्रमाण 0 टक्के आसा. 3 टक्के घरां ओलो आनी सुको कोयर वेगळो करून दवरतात.