भांगरभूंय | प्रतिनिधी
नवी दिल्ली, खबरां संस्थाः केंद्रीय वखदां मानक नियंत्रण संघटनेन (CDSCO) नोव्हेंबरांत जारी केल्ल्या ड्रग अलर्ट प्रमाण, देशांत तयार केल्ल्या 205 वखदांचे नमुने फेल आशिल्ल्याचें दिसून आयलां. तातुंतली 47 वखदां हिमाचल प्रदेशांत तयार जातात. जोर, गोडेंमूत, काळजाचे दुयेंस, संसर्ग आनी पोटाकडेन संबंदीत जावपी दुयेंसांचेर उपचार करपाक हीं वखदां वापरतात.
गुणवत्ता तपासणेंत निकृश्ट आशिल्ल्या वखदांक ‘नॉट ऑफ स्टँडर्ड क्वालिटी’ (NSQ) अशें जाहीर केलां. हिमाचलांत तयार केल्ल्या वखदां मदले 35 नमुने राज्य प्रयोगशाळांनी आनी 12 नमुने केंद्रीय प्रयोगशाळांनी निकृश्ट आशिल्ल्याचें दिसून आयलें. सिरमौर जिल्ह्यांतल्या कालाअंब हांगाच्या एका कंपनीचे पांच नमुने निकृश्ट आशिल्ल्याचें दिसून आयलें.
जोर, गोडेंमूत, काळजाच्या दुयेसांच्या वखदांचो वळेरेंत आस्पाव
NSQ ‘नॉट ऑफ स्टँडर्ड क्वालिटी’ म्हूण घोशीत केल्ल्या वखदां मदीं पॅरासिटामॉल, मेटफॉर्मिन, क्लोपिडोग्रेल, ॲस्पिरिन, रॅमिप्रिल, सोडियम व्हॅल्प्रोएट, मेबेव्हेरिन हायड्रोक्लोरायड, टेलमिसार्टन, क्लेरिथ्रोमायसिन, सेफिसायन आनी जेंटामायसिन इंजेक्शन ह्या सारकिल्ल्या वखदांचो आस्पाव आसा. ही वखदां टायफॉयड, फुफ्फुस आनी मुताच्या मार्गांत संसर्ग, खोकली, दमो, ॲलर्जी आनी पचनसंस्थेशी संबंधित आजारांचेर उपचार करपाक वापरातत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
