भांगरभूंय | प्रतिनिधी
नवी दिल्ली, खबरां संस्था: देशांत कॅन्सराचे दुयेंती नेटान वाडत आसात. शारांनी ही परिस्थिती सामकी वायट आसा. कॅन्सराचो एक हुस्को म्हणल्यार लोकांक ह्या दुयेंसाचीं सुरवातीचीं लक्षणां समजनात. देखून हो रोग खूब उसरां कळटा. तेन्ना मेरेन हो कॅन्सर पुराय कुडींत पातळटा. खंयचोय रोग जावचो न्हय म्हूण आहाराचेर लक्ष दिवप खूब गरजेचें. खंयच्या पदार्थांक लागून कुडींत कॅन्सराचो धोको वाडटा?
कांय खाशेले पदार्थ आसतात, जाका लागून कुडींत कॅन्सराचो धोको वाडटा. जर तुमी तें खायनात जाल्यार कॅन्सराचो धोको उणो जावं येता. पूण आहार हें एकूच कॅन्सराचें कारण न्हय. आनुवंशिकी, वायट जिवीतशैली आनी वातावरण हाका लागूनय हो रोग जाता, पूण तरी लेगीत तुमच्या आहाराचेर लक्ष दिवन तुमी हो धोको उणो करूं येता.
हीं खाणां खावचीं न्हय
प्रक्रिया केल्ल्या मांसाक लागून कॅन्सराचो धोको वाडटा. प्रक्रिया केल्ल्या मांसांत नायट्रेट आनी नायट्रायट आसतात, ताका लागून नायट्रोसेमायन्स नांवाचीं कार्सिनोजेनीक संयुगां तयार जावंक शकतात. प्रक्रिया केल्लें मांस चड खाल्यार कोलन कॅन्सर जावंक शकता अशें जायत्या अभ्यासांतल्यान दिसून आयलां.
तांबडें मांस
तांबडें मांस (बीफ, पोर्क) चड वापरल्यार, खासा करून चड तापमानांत शिजयल्यार हेटरोसायक्लिक अमायन (HCAs) आनी हायड्रोकार्बन (PAHs) अशें कार्सिनोजेन्स तयार जावंक शकता. हाका लागून कोलन आनी प्रोस्टेट कॅन्सराचो धोको वाडटा. तांबडें मांस आनी सोरो चड पिल्यार यकृताचो कॅन्सर जावंक शकता.
ग्रिल केल्लें जेवण
मांस चड तापमानांत भाजल्यार एचसीए आनी पीएएच तयार जावंक शकतात. जाका लागून कॅन्सर जाता. अशे परिस्थितींत जिवाक माल पडपी अन्न खावचें न्हय. हाचे भायर प्रक्रिया केल्ली साकर कॅन्सराचो धोको वाडयता. हाका लागून इन्सुलीन स्पायक जातात. जें कॅन्सर वाडोवपा खातीर अनुकूल वातावरण तयार करूंक शकता. अशे परिस्थितींत अशें जेवण जेवचें न्हय. तशेंच दनपरां एक, देड वरांचेर आनी रातचें साडेआठ, णव मेरेन जेवपाक जाय. रातचें इल्लें उणेंच जेवचें. चडांत चड इकरा मेरेन न्हिदपाक वच्चें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
