भांगरभूंय | प्रतिनिधी
नवी दिल्ली, खबरां संस्था ः देशांतल्या 15 वर्सां वयर पिरायेच्या 28% लोकांक सादी आनी सोपीं वाक्या वाचपाक, सादे वाक्य बरोवपाक आनी सादी बेरीज- वजाबाकी कशी करपाची हेंय कळना. पूण 15-24 वर्सां पिरायेच्या लोकांमदीं हो आंकडो फकत 3% आसा. राष्ट्रीय नमुनो सर्वेक्षणाच्या (एनएसएस) 2022-23 वर्साच्या व्यापक वर्सुकी मॉड्यूलर सर्वेक्षणांत हें स्पश्ट जालां.
ह्या सर्वेक्षणांत 28 राज्यां आनी 8 केंद्रशासित प्रदेशांतली सुमार 3 लाख कुटुंबा आनी सुमार 13 लाख लोकांचो आस्पाव केल्लो.
सर्वेक्षणा प्रमाण, राजस्थानांतल्या 27% लोकांक आनी मध्य प्रदेशांतल्या 22% लोकांक सादें बेरीज-वजाबाकी करपाक कळना. हे बाबतींत यूपी परस बिहार बरो आसा. बिहारांतले 24 टक्के आनी उत्तर प्रदेशांतले 25 टक्के लोक गणितांत दुबळे आसात. केरळांत अशे लोक फकत 2% आसात. देशांत 6-10 वर्सां पिरायेच्या गटांतलीं 91% भुरगीं गांवांतलीं आनी 89% भुरगीं शाळेंत आसात.
सर्वेक्षणा प्रमाण ही आंकडेवारी महाराश्ट्रांत 11.8%, हरियाणा 15.1%, गुजरात 15.8%, पंजाब 16.5%, छत्तीसगड 19.9%, झारखंड 21.2%, मध्य प्रदेश 22.0%, बिहार 23.6%, उत्तर प्रदेश 25.4% आनी राज्स्थान 27.4% इतली आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
