भांगरभूंय | प्रतिनिधी
नवी दिल्ली, खबरां संस्था: हवामान खात्यान दिल्ले म्हायती प्रमाण उत्तर प्रदेश आनी बिहार सयत २५ राज्यांनी आयज गडगडाटा वांगडा व्हड पावस पडपाची शिटकावणी दिल्या. मध्य प्रदेश, ओडिशा, झारखंड, अस्तंत बंगाल, बिहार आनी छत्तीसगड ह्या साबार जिल्ह्यांनी गडगडा सयत पावस झडटलो.
ह्या राज्यांनी वराक ६० ते ७० किलोमीटर वेगान वारें व्हांवपाक शकता. बिहार, उदेंत राजस्थान आनी उदेंत मध्य प्रदेशांतल्या जायत्या जिल्ह्यांनी गारे पडपाची शक्यताय आसा. ओडिशा शारांतय व्हड प्रमाणांत पावस पडपाची शिटकावणी दिल्या. काल भोपाळ, इटारसी, छिंदवाडा, सिओनी सयत मध्य प्रदेशांतल्या जायत्या जिल्ह्यांनी गडगडा वांगडा व्हड प्रमाणांत पावस पडलो. मध्य प्रदेश-राजस्थानांतल्या जायत्या जिल्ह्यांनी पावस पडल्या उपरांत तापमान १० अंश उणें जालां.
तशेंच शुक्रारा दिल्लींत जाल्ल्या विध्वंसा उपरांत शेनवारा गडगडा वांगडा व्हड पावस पडलो. हाचो परिणाम इंदिरा गांधी आंतरराश्ट्रीय विमानतळाचेरूय जायत्या विमान येरादारीचेर पडलो आनी दोन वरां विमान येरादारींत आडमेळीं आयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
