देशांतलो सगळ्यांत व्हडलो ‘जिओ वर्ल्ड प्लाझा’ मॉल मुंबयंत
भांगरभूंय | प्रतिनिधी
मुंबय, खबरां संस्था ः रिलायन्स इंडस्ट्रीजचो मॉल ‘जिओ वर्ल्ड प्लाझा’ मुंबयंत उक्तो जाला. हो देशांतलो सगळ्यांत व्हडलो लक्झरी मॉल. वांद्रे कुर्ला कॉम्प्लेक्सांत आशिल्लो हो मॉल 7.50 लाख चौखण फूट वाठारांत पातळ्ळा. तो फकत पळोवपाकच लक्झरी न्हय, तर हांगा मेळपी वस्तूय लक्झरी आसात.
Balenciaga, Cartier, Louis Vito, Versace, Valentino, Manish Malhotra, Abu Jani, Sandeep Khosla, Pottery Barn, Gucci आनी EL&N Café सयत संवसारातले जायते म्हारग आनी मुखेल ब्रँड हांगा मेळटले.
संवसारांतले उत्कृश्ट ब्रँड भारतांत हाडपाचो उद्देश
रिलायन्स इंडस्ट्रीज लिमिटेडची संचालक ईशा अंबानी हांणी सांगलें, संवसारांतले उत्कृश्ट ब्रँड भारतांत हाडपा खातीर आमी जियो वर्ल्ड प्लाझा उक्तो केला. हाचे भायर भारतांतल्या कारागीर ब्रँडांचेर मुखेलपणान भर दिवपाचो हेतू आसा.
फावंडेशनाची संस्थापक आनी अध्यक्ष नीता अंबानी हांणी म्हणलें, ‘जिओ वर्ल्ड प्लाझा फकत भारतांतलो सगळ्यांत बरो मॉल जावचो ना, तर तो संवसारांतलोय सगळ्यांत बरो मॉल जातलो अशी आस्त बाळगता. आयज सगळ्या भारतीय डिझायनर, कला आनी कारागिरां खातीर मानाचे दीस.
रियल इस्टेट सल्लागार नाइट फ्रँकचा कंपनीन 2026 मेरेन भारतांत 14 लाख मिलियोनॅर लक्षाधीश मनीस मेळटले, असो अदमास काडला, जो 2021 वर्सा परस 77 टक्क्यांनी चड आसा. गिरेस्त लोकांचो आंकडो स्थिरपणान वाडत गेल्ल्यान देशाची अर्थवेवस्था घटमूट जायत आसा हें स्पश्ट जाता.
लक्झरी ब्रँडाची बाजारपेठ वाडटा
रॉयटर्साच्या अहवाला प्रमाण, युरोमॉनिटरान अदमास काडला की लक्झरी बाजारांत वर्साक सुमार 12% वाड जावन 2026 मेरेन सुमार 5 अब्ज डॉलर जातली. चीनांतले मंद अर्थवेवस्थेचे तुळेंत भारतांत डिझायनर उत्पादनांची मागणी खूब वाडल्या. भारतांत ह्या लक्झरी ब्रँडाची विक्री स्थिरपणान वाडत आसा. देखूनच हे सगळे ब्रँड भारतांत येतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
