भांगरभूंय | प्रतिनिधी
एर्नाकुलम, खबरां संस्था: ३२ एकरांचेर पातळिल्ली भात शेती, तातूंत भोंवपी बदकांचें कळप, फुलांची बाग, सवण्यांच्या गीतां, तणांत चरपी गायो आनी बोकड्यो… हें देशांतलें पयलें शिक्षण फार्म सेंटर केरळांतल्या एर्नाकुलमाचें. ताचें नांव ओक्कल सीड फार्म. हांगाग्यांक चिखलांत खेळपाची मजा येता. ते कृत्रीम पावसात फुटबॉल खेळटात. हाचे वरवीं केरळ सरकार भुरग्यांक शेता कडेन जोडपाक इत्सूक आसा. म्हणून बियाणे फार्मचें प्रशिक्षण केंद्रांत रूपांतर केलां. आतां मेरेन ७५ शाळांतलीं १२,००० भुरगीं आयल्यांत. भुरग्यांनी हांगा झाडांच्या घरांत, बांबूच्या आनी तणाच्या खोपींनी रावन शेताच्यो पद्धती शिकल्यो. ह्या शेतीचें वेवस्थापन करपी कृशी अधिकारी फिलीप जी. कानत म्हणटात, ‘हांगा, भुरग्यांक आपोप समजपाक लागता, खंयचीय उपेगी वस्त कशी कोयर जाता हें. आमी हांगा कितेंय पेड्ड्यार करिनात. सगळें वापरतात. पेड्ड्यार जाल्ल्या नुस्त्या पसून कोंबडेचें खाण करतात.’
विद्यार्थी शेतीक करतले आपलो वेवसाय
ह्या शेताच्या व्हड भागांत भातशेती दिसतात. हांगा विवीध तरेच्या भाताचीं बियां तयार करतात. ज्योती, मणिरत्ना, व्यतिला-८, जपान व्हायलेट, वायनंदन अश्यो जायते तरेचीं भाताचीं बियां आसात. हाचे वरवीं भुरग्यांक शेती हो वेवसाय म्हणून स्वीकारपाक उर्बा दिता. ह्या वेळार ह्या शेतांत भाताची पेरणी अशे तरेन करतात, जातूंत भाताचीं पीक वाडटना जायते तरेचे आकार मुखार येतात.
हांगा कृशी उत्पादनांची दितात वळख
फिलिप कानत म्हणटात, शेतांत ४४ कर्मचारी आसात जे नाचणी, ज्वारी, सगळे तरेच्यो भाजयो आनी ३० प्रकारच्यो मिरसांगो अशें भरड धान्य पिकयतात. हांगा आमी विद्यार्थ्यांक विवीध तरेच्या कृषी उत्पादनांची वळख करून दितात. जाक लागून तांकां समजतलें, शेतीक वेवसाय करून बरे पयशे जोडूं येतात म्हणून. शेती करून अरिअर करूं येता.
शेतकारां प्रशिक्षण दिता
हांगा शेतकारांक पर्यावरणाक लुकसाण करिनासतना शेती करपाचें प्रशिक्षण दिता. हांगा परंपरीक पद्धती, सुधारीत बियां आनी आधुनीक यंत्रांचो वापर करून शेती करता. हांगा अशे रोपे लायल्यात जीं किडींग आकर्शीत करतात. ह्यो किडी पिकां खातीर बर्यो. शेतकरी म्होवांमूस पोसपाकूय शिकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
