भांगरभूंय | प्रतिनिधी
मुंबय, खबरां संस्था: मुंबयकरांची ई-वॉटर टॅक्सीची उत्सुकताय आतां सोंपतली. बेगीनूच देशांतली पयली ई-वॉटर टॅक्सी मुंबय धांवतली. स्वीडनची कँडेला कंपनी पयारवरणाक अनुकूल वॉटर टॅक्सीचो पायलट प्रोजेक्ट राबयतली. ही सेवा बेगीनूच सुरू करपाच्यो सुचवण्यो नुस्तें वेवसाय आनी बंदर मंत्री नितेश राणे हांणी स्वीडनचे महावाणिज्यदूत स्वेन ओस्टबर्ग हांकां बसके वेळार केल्यो.
मंत्रालयांत शुक्रारा नुस्तें वेवसाय आनी बंदर मंत्री राणे हांचे कडेन महावाणिज्य दूत ओस्टबर्ग हांणी ई-वॉटर टॅक्सी विशीं चर्चा केली. ह्या वेळार ओस्टबर्ग हांची सल्लागार सलोनी झव्हेरी हांचे सयत वरिश्ठ अधिकारी हजर आशिल्ले.
मुंबय येरादारी यंत्रणेवर खर ताण येता. ई-वॉटर टॅक्सी बेगोबेग सुरू जावपा खातीर मुख्यमंत्री देवेंद्र फडणवीस आग्रो करता. गेटवे ऑफ इंडिया ते एलिफंटा आनी गेट वे ऑफ इंडिया ते अलिबाग ह्या उदकांतल्या येरादारी मार्गाच्या पायलट प्रोजेक्टान मुंबयक भेकडावपी येरादारी कोयंडीचो प्रस्न सुटपाक मजत जातली.
स्वीडनच्या कँडेला कंपनी कडेन जाल्ल्या करारा प्रमाण तांणी नागरिकांची सुरक्षितताय, वातावरण, पर्यावरण हांचो विचार करचो. तशेंच वॉटर टॅक्सीचो नागरिकांक परवडपी दर दवरचो. कंपनीक लागपी परवान्यां विशीं राज्य शासन सादूर आसतलें अशेंय तांणी म्हणलें.
स्वीडनची कँडेला कंपनी सगल्यांत म्हयातीचें सादरीकरण करतली. उपरांत वॉटर टॅक्सीचो पायलट प्रोजेक्ट रोखडोच सुरू करुया, अशें ओस्टबर्ग हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
