भांगरभूंय | प्रतिनिधी
नवी दिल्ली, खबरां संस्था: देशांतल्या विवीध सुवातींनी आयज पावस पडपाची क्यताय आसा. हवामान खात्याच्या अदमासा प्रमाण दक्षीण भारतांत व्हड प्रमाणांत पावस पडटलो. गोंयांत कांय वाठारांनी आयज फांतोडेर पावस पडलो.
हवामान खात्याच्या अदमासा प्रमाण, फुडल्या २४ वरांनी तमिळनाडू दर्यादेग वाठारांत पावस पडपाची शक्यताय आसा. तशेंच पुर्वेक राजस्थान, अस्तंत मध्य प्रदेश, मध्य महाराष्ट्र, तामिळनाडू, पुद्दुचेरी, कराईकल दर्यादेगो आनी दक्षिणेक गोंय, कर्नाटक, केरळ आनी लक्षद्वीप हांगा गडगडाटा सयत पावस पडपाची शक्यताय आसा.
शिंयाच्या दिसांनीय पावस चालूच
बंगालच्या खाडी वयल्या वार्याक लागून बिरेस्तारा मेरेन पुराय दक्षीण भारतांत व्हड प्रमाणांत पावस पडपाचो अदमास आसा. उत्तरेक मंगळारा पुराय उत्तर भारत आनी लागसारच्या वाठारांत वातावरणाचेर परिणाम जावपाची शक्यताय आसा. हाका लागून ९ जानेवारीक जम्मू, काश्मीर, लडाख, गिलगीट, बाल्टिस्तान, मुझफ्फराबाद, हिमाचल प्रदेश, उत्तराखंडांत व्हडा प्रमाणांत बर्फ पडपाची शक्यताय हवामान खात्यान उक्तायल्या. आयज ९ जानेवारीक महाराष्ट्र आनी गुजरातच्या कांय सुवातींनी गडगड आनी वीजे सयत बारीक पावसाची शक्यताय आसा.
देशभर पावसाची शक्यताय
अंदमान आनी निकोबार जुवीं, उत्तर प्रदेश, उत्तराखंड, हरियाणा, चंदीगड, दिल्ली, पंजाब, हिमाचल प्रदेश, जम्मू आनी काश्मीर आनी लडाख, पश्चीम राजस्थान, पूर्व मध्य प्रदेश, गुजरात, कोकण, गोंय, मराठवाडो, विदर्भातूय आयज गडगडाटा सयत पावस पडपाची शक्यताय आसा. छत्तीसगड, दर्यादेग आंध्र प्रदेश, तेलंगण आनी रायलसीमा ह्या वाठारांनीय पावस शिडशिडपाचो दुबाव आसा. उत्तर भारत, मध्य भारत, पूर्व भारत आनी ईशान्य भारतांतल्या खुबश्या सुवातांचेर आयज सकाळीं दाट दंव पडलो.
उत्तर भारतांत शीं कायम
दिल्ली सयत उत्तर भारतांत आजूनय शिं कायम आसा. मजगतीं, दिल्लींत सोमारा म्हयन्यांतलो सगळ्यांत थंड दीस म्हणून नोंद जाला. दिल्लीचें तापमान ५.३ अंश सेल्सिअस मेरेन देंविल्लें. जें ह्या हंगामाच्या सरासरी तापमना परस दोन अंशांनी उणें आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
