भांगरभूंय | प्रतिनिधी
पणजी ः देशांत वट्ट 68,97,23,403 ‘आभा’ कार्डां तयार केल्यात अशी म्हायती केंद्रीय भलायकी आनी कुटुंब कल्याण राज्यमंत्री प्रतापराव जाधव हांणी लोकसभेंत लेखी जापेंत दिल्या.
दरेका नागरिकाची भलायकी विशींची म्हायती इलॅक्ट्रॉनीक पद्दतीन नोंद करून सगल्या भलायकी सेवेंच्या परिसंस्थेत पावोवपा खातीर आयुषमान भारत डिजिटल मिशन (एबीडीएम) हें ऑनलायन प्लॅटफॉर्म सुरू केलां. देशांत एकत्रीत डिजिटल भलायकी मुळावी बांदावळ घटमूट करपा खातीर गरजेच्यो सुविधा तयार करप हो ह्या मिशनाचो हेतू आसा.
देशांत 27 नोव्हेंबर मेरेन वट्ट 68,97,23,403 आभा कार्ड तयार केल्यात. एचएफआर म्हळ्यार राष्ट्रीय भलायकी सुविधा नोंदणीचेर 3,49,473 भलायकी सुविधा नोंद जाल्यात. एचपीआर म्हळ्यार भलायकी सेवा वेवसायीक नोंदणीचेर 5,23,639 भलायकी वेवसायिकांनी नोंदणी केल्या आनी 45,37,93,698 नागरिकांच्या भलायकी विशीं नोंदणी आभा कार्डा वरवीं जोडल्या. 2 डिसेंबर 2024 मेरेन वट्ट 1,52,544 भलायकी सुविधां एबीडीएम सक्षम केल्ल्या सॉफ्टवॅरा कडेन जोडल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
