भांगरभूंय | प्रतिनिधी
नवी दिल्ली, खबरां संस्था ः इलेक्ट्रॉनिक्स, टेक प्रॉडक्ट्स, पर्सनल केअर, एफएमसीजी हाचे नदरेन 27 वर्सां मेरेनचे तरणाटे (जेन-जी) लोकल प्रॉडक्ट्स विकतें घेवपाची आवड दाखयतात. 30 ते 50 वर्सां पिरायेच्या गटांतले लोक परदेशी ब्रँडाक पसंती दाखयतात.
एका सर्वेक्षणांत कंपनींच्या सेल्स एक्झिक्युटिव्हान सांगलें, फाटल्या 3- 4 वर्सांत तरणाट्या गिरायकांची खरेदी जाण्ट्या गिरायकां परस दोन ते तीन पटींनी चड नेटान वाडल्या. मार्केट रिसर्च फर्म निल्सन आयक्यूच्या अहवाला प्रमाण भारतांतले सुमार 10 कोटी जेन-जी गिरायक पारंपारीक कल्पनांतल्यान भायर सरून देशभक्तीच्या नव्या रुपाक आकार दितात.
तरणाट्यां मदीं दोन खाशेले ट्रेंड
निल्सन आयक्यूच्या संशोधनां प्रमाण भारतीय तरणाटे आतां मूळ कात आनी केंसांक संरक्षण दिवपाचें आश्वासन दिवपी पर्सनल केअर ब्रँड चड पसंत करतात.
स्पीकर्स – 2023 वर्सा बाजारांत ट्रु वायरलेस स्पीकर्स लोकल ब्रँड्सचो वांटो 78 टक्क्यार पावलो. 2020 वर्सा तें 48 टक्के आशिल्लें. काउंटर पॉयंट संशोधनाच्या मतान हातूंत तरणाट्या गिरायकांचो मुखेल वांटो आशिल्लो.
स्मार्टवॉच – 2023 वर्सा वट्ट विक्रींत थळाव्या ब्रँडांचो वांटो 95 टक्के आशिल्लो. 2020 वर्सा तें फकत 38 टक्के आशिल्लें. ते उपरांत लेगीत भारतांत Apple, Samsung, Vivo आनी Xiaomi सारकिल्ले जागतीक ब्रँड उपलब्ध आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
