देवी कालरात्री

भांगरभूंय | प्रतिनिधी

नवरात्रां : सातवी माळ

 देवीची उपासना करपाक खूबशे नियम पाळचे पडटात.  देवीची उपासना संयमान करची पडता आनी तिचे भक्त भयमुक्त आसतात.

नवरात्रांची सातवी माळ ही देवी कालरात्रीक पुजपाची रात. या दिसा ब्रह्मांडाची सगळीं दारां उगडूंक लागतात, अशें म्हूणटात. काली म्हाकाली, भद्रकाली, मृत्यु-रुद्राणी, चामुंडा, चंडी आनी दुर्गा सारकिल्या वायटाचो विनाश करपी देवीच्या रुपांतली एक म्हूण मान्यता आसा. रौद्री आनी धूम्रवर्णा कालरात्री देवीची नामना नाशिल्लीं दोन नांवां. देवीक शुभंकारी देवीय म्हणटात. भूत प्रेत, पिशाश्च आनी न्हयकारात्मक शक्तींचो नाश ही देवी करता.                                      

कालरात्री नांवावेल्यानच काळ्या रंगा कडेन संबद आशिल्ली देवी म्हूण कळटा. माथ्यावेले केस विस्कटल्या. गळ्यांत चकचकपी माळ देवीन घाल्या. तिका तीन वांटकुळेच दोळे आसात आनी देवीचे दोळे चकचकता. देवी आपल्या श्वासांतल्यान उज्याच्यो ज्वाळा सोडटा. देवीक चार हात आसात. उजवे वटेंतलो दुसरो हात सदां दिवपाक तत्परता दाखोवपी मुद्रेन आसा. दावे वटेंतल्या एका हातांत लोखणाचो कांटो आसा. दुसऱ्या हातांत कट्यार आसा.  

कालरात्री देवीचें रूप एकदम भयांकृत आसा. तिची उपासन करतल्याक ती शुभ फळ दिले बगर रावना म्हूण देवीक शुभंकारी म्हणटात. आपल्या भक्तांक देवी कसलेंच कश्ट दिना. दुश्ट लोकांचो ती विनाश करता. राकेस, भुतां- खेतां देवीचे नांव आयकतच पळटात. गिऱ्यांच्या दोशांक लागून येवपी अडचणी ही देवी पयस करता. देवीची उपासना करपाक खूबशे नियम पाळचे पडटात.  देवीची उपासना संयमान करची पडता आनी तिचे भक्त भयमुक्त आसतात.

मन, वाणी आनी कूड नितळ दवरून देवीची उपासना करपाची आसता. देवीचे उपासनेन कामांत भरभराट जाता.   

प्रीता परब

9921382375