भांगरभूंय | प्रतिनिधी
हिंदू धर्मांत वट्ट 33 कोटी देव-देवता आसात असो लोकांचो समज आसा, पूण हें खरें न्हय. हिंदू धर्मांत ३३ कोटी न्हय, तर ३३ कोटी म्हणल्यार ३३ प्रकारचे देव आसात.
ज्योतिशांच्या मतान, हिंदू ग्रंथांत ३३ कोटी देवांचो उल्लेख ना, पूण ३३ कोटी असो उल्लेख मेळटा. हांगा कोटी शब्दाचो अर्थ कोटी असो न्हय, तर प्रकार वा वर्ग असो जाता. उच्चकोटीचें उत्पादन, साहित्य म्हणटात तशें. कोटी ह्या संस्कृत उतराचे दोन अर्थ आसात – कोटी आनी प्रकार. हाका लागून लोकांनी ह्या उतराचो चुकीचो अर्थ लायलो आनी हिंदू धर्मांत 33 कोटी देव आसात अशें मानलें.
ग्रंथांत ३३ देवांचो उल्लेख मेळटा. ह्या ३३ देवांचें वर्णन वेगवेगळ्या वर्गांत केलां-
आठ वसू (अश्ट वसू), इकरा रुद्र, बारा आदित्य, इंद्र आनी प्रजापती. तांची वट्ट संख्या ३३. कांय ग्रंथांनी इंद्र आनी प्रजापती हांचे बदला आयुर्वेद आनी वखदांचे देव मानतात, अशा आश्विन कुमारांचो (जुंवळे भाव) आस्पाव केला.
अश्ट वसु (८ वसु)
वसु शब्दाचो अर्थ विश्वांत अस्तित्वांत आशिल्ले आनी ताचेर राज्य करपी घटक असो जाता. ते अशे : आप (उदक), ध्रुव (ध्रुव तारो वा स्थिरतायेचें प्रतीक), सोम (चंद्र), धर (धर्तरी), अनिल (वारो), अनल (अग्नी), प्रत्युष (सकाळ), प्रभास (उजवाड)
इकरा रुद्र (११ रुद्र)
रुद्रांक सृश्टी, नाश आनी परिवर्तन हांचे प्रतीक म्हणजे शंकराचें रूप मानतात. मनु, मन्यु, शिव, महत, ऋतूध्वज, महिनस, उम्रतेरस, काल, वामदेव, भव, धृतध्वज
द्वादशा आदित्य (१२ आदित्य)
आदित्य हीं सूर्याचीं वेगवेगळीं रुपां आसून तांचो संबंद वर्साच्या बारा म्हयन्यां कडेन आसा – अंशुमान, आर्यमान, इंद्र, त्वष्टा, धातू, पर्जन्य, पूषा, भाग, मित्र, वरुण, वैवस्वत, विष्णु.
इंद्र आनी प्रजापती वा अश्विनी कुमार
इंद्राक देवांचो राजा मानतात. जो कुपां, पावस आनी झुजाचो देव. प्रजापतीक विश्व रचणार ब्रह्माचें एक रूप मानतात. जायत्या धर्मग्रंथांनी तांचे बदला अश्विनी कुमारांचो आस्पाव ३३ कोटी देवां मदीं केला. हे दोगूय जुंवळे देव आसून तांचो आयुर्वेदा कडेन संबंद आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
