भांगरभूंय | प्रतिनिधी
पंढरपूर, खबरां संस्थाः पंढरपुराक आयज सकाळीं एक भिरांकूळ अपघात जालो. खाजगी बस आनी ट्रका मदीं हो अपघात जाल्ल्यान दोगा बायलांक जाग्यारूच मरण आयलें. जाल्यार सात जाण गंभीर जखमी जाल्यात. पंढरपूर टेंभुर्णी रोडार गुरसाळे हांगा बस ओव्हरटेक करतना जड येरादारी करपे ट्रकाचो धपको खाजगी बसीक बसलो.
ह्या अपघातांत गंभीर जखमी जाल्ल्यांक रोखडेंच पंढरपुरच्या हॉस्पिटलांत उपचारा खातीर दाखल केल्यात. हातूंत खाजगी बशीचो चालक गंभीर जखमी जाल्ल्यान ताका उपचारा खातीर सोलापूराक व्हेला. हे सगळे भक्त मावळ वाठारांतले. बशींत एकाच कुटुंबांतले २७ लोक आशिल्ले. ही बस पंढरपूर सावन मंगळवेढा, अक्कलकोट, तुळजापूर देवदर्शना खातीर भायर सरिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
