भांगरभूंय | प्रतिनिधी
युरीक अॅसिड म्हळ्यार शरिरांतली घाण. जी वाडल्यार शरीरांत बारीक सारीक क्रिस्टल तयार जातात. ते वाडल्यार खुबश्यो समस्या निर्माण जातात. शरीर स्वताच एक्स्ट्रा युरीक अॅसिड भायर काडटा. पूण जेन्ना अशें जायना तेन्ना समस्या सुरू जातात.
हाय युरीक अॅसिडाचीं लक्षणां
रगतांत युरीक अॅसिड वाडल्यार गालगुंड आनी किडनी स्टोन जाता. ताका लागून जॉयंट दुखतात, सूज, मळमळ, उलटी, परत परत मुतूंक जावप, मुत्तानां रगत येवप, कमरेच्या सकयल दुखप, उठपा-बसपाक समस्या निर्माण जाता अशीं लक्षणां दिसतात.
प्युरीन फुड्स चड खावप, चड सोरो पिवप, हाय फॅट आशिल्लें फूड खावप, गोड चड खावप, हाका लागून अॅसिड वाडटा.
प्युरीन अन्ना पसून पयस रावात
हें तत्व सगळ्यांत चड मांसाहारी खाणांत आसता. मायोक्लीनीक प्रमाण, प्युरीन आशिल्लें डाएट घेतिल्ल्यान रगतांत चडांत चड विखारी पदार्थ भरपाक लागतात. ताका लागून तांबडें मांस, सीफूड, जनावरांचें लिव्हर, किडनी सारके अवयव खावचे न्हय. सोर्यांत प्युरीन आसता. बीअर, व्हिस्की वा वायनाक लागून युरीक अॅसिड वाडटा. किडनी स्टोन वा सांधीवात आसल्यार हे ड्रिंक्स अजिबात घेवचे न्हय. अश्या वेळार स्थिती आनीक गंभीर जावं येता.
हाय फॅट फूड
तळिल्ले, भाजिल्ले जिन्नस खाल्ल्यान वजन वाडटा. तशेंच हातूंत किडनी स्टोनाची समस्याय निर्माण जाता. वजन वाडपाचो आनी युरीक ऍसिडाचो आदीं पसून संबंद आसा. ताका लागून तुमकां वजन कंट्रोलांत दवरपाचें आसल्यार बॅलन्स डायट आनी नेमान एक्सरसाय करची पडटली.
मीठ उण्या प्रमाणांत खावचें
मीठ चड खाल्यार हाय ब्लड प्रेशराची समस्या जाता. ताका लागून काळीज, मेंदू आनी किडनीचें काम करप बंद जावं येता. तशेंच विखारी पदार्थ भितरल्या भितर जमा जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
