भांगरभूंय | प्रतिनिधी
-रानां खात्यानूय हाका अजून परवानगी दिवंक ना फोंडेंः मुख्यमंत्री डॉ. प्रमोद सावंत हांणी गोंय पर्यटन विकास मंडळाचो कावंटर सुरू करून एका म्हयन्या उपरांत परतून बसका घेवन निर्णय घेवपाची विनवणी केल्ली. पूण शुक्रारा दूदसागर पर्यटन पर्यटन हंगाम सुरू करपा खातीर गोंय पर्यटन विकास मंडळाचो कावंटर सुरू करपाक जीप धनयांनी विरोध केला.
अध्यक्ष निलेश वेळीप हांच्या मार्गदर्शना खाला शुक्रारा सांजे जीप धनयांची खासा बसका आपयिल्ली. गोंय पर्यटन विकास मंडळान कावंटर सुरू केले उपरांत अदमासे 8 कोटी रुपयांचो घोटाळो जाल्ल्याचो आरोप जीप धनी संघटणेन केल्लो. कावंटराक लागून पर्यटकांची संख्या उणी जाल्ल्यान पर्यटन हंगामाचेर ताचो परिणाम जाला. ते खातीर खंयचेय स्थितींत कावंटर सुरू करपाक जीप धनयांचो विरोध आसा. रानां खात्यान लेगीत गोंय पर्यटन विकास मंडळाक कावंटर सुरू करपा खातीर परवानगी दिवंक नाशिल्ल्याचे स्पश्ट केले.
कांय दिसां पयलीं मुख्यमंत्री प्रमोद सावंत हांणी दूदसांगर टूर ऑपरेटर संघटणेच्या पदाधिकाऱ्यांची खासा बसका घेतिल्ली. त्या वेळार मुख्यमंत्री डाॅ. प्रमोद सावंत हांणी गोंय पर्यटन विकास मंडळान सुरू केल्लो कावंटर सुरू करून हंगामाक सुरवात करपाचो निर्णय जाहीर केल्लो. ते खातीर कावंटर सुरू करपा विशीं परतून बसका घेवन चर्चा करपाचें आस्वासन दिल्लें. पूण शुक्रारा जीप धनयांनी मुख्यमंत्र्यांच्या आदेशाक विराेध करून कावंटर बंद करूनच पर्यटन हंगाम सुरू करपाचो निर्णय घेतलाे.
मजगतीं, दूदसागर पर्यटन हंगाम 21 तारखेच्यान सुरू करपाची तयारी सरकारान केल्या. पूण रानां खात्याक अजून मेरेन हे विशीं कसलोच आदेश येवंक नाशिल्ल्यान जीप धनी दुबावांत आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
