भांगरभूंय | प्रतिनिधी
भांगरभूंय । प्रतिनिधी
फोंडेंः कुळें हांगा दूदसागर घसघश्याचे वयले वटेन आशिल्ले न्हंयेत आयतारा न्हांवपाक आयिल्ल्या तीन इश्टांतलो पवन कुमार (25, मंगळुरू) हो बुडून मेलो. ताच्या इश्टांनी कूड काडून रामनगर हांगच्या हॉस्पिटलांत व्हेल्ल्यान पुलीस पंचनाम्या वेळार ही घडणूक गोंयचे हद्दींत घडल्ल्यान रामनगर पुलिसांनी सकाळीं कुळें पुलिसांक म्हायती दिल्या उपरांत तांणी पंचनामो केलो.
कुळें पुलिसांनी दिल्ले म्हायती प्रमाण आयताराक दोन इश्टां वांगडा न्हंयेत न्हातना पवन कुमार उदकांत बुडलो. ताका भायर काडून ताच्या इश्टांनी रामनगरच्या हॉस्पिटलांत व्हेलो. ताचे पयलींच ताका मरण आयिल्लें. रामनगर पुलिसांनी चवकशी केली तेन्ना ही घडणूक गोंयचे हद्दींत जाल्ल्याचें स्पश्ट जालें.
सोमारा सकाळीं कुळें पुलिसांनी घडणुकेचो पंचनामो केलो. निरीक्षक सगुण सावंत हाच्या मार्गदर्शना खाला उपनिरीक्षक अजय धुरी ह्या प्रकरणाची फुडली चवकशी करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
