भांगरभूंय | प्रतिनिधी
19वे आशियायी खेळाच्या दुसऱ्या दिसा भारताच्या अॅथलिटांनी दोन भांगरा पदकां सयत 6 पदकां जिखलीं. चीनाच्या हांगझोवूंत नेमबाजीच्या 10 मिटर अॅर रायफल सांघीक प्रकारांत एेश्वर्य प्रताप सिंग, दिव्यांश सिंग आनी रुद्रांक्ष पाटील हांणी भारता खातीर पयलें भांगरा पदक जिखलें. तिगांयनी मेळून 1893.7 स्कोर करून संवसारीक विक्रमाची नोंद केली. हाचे पयलीं 1893.3 स्कोरा सयत हो विक्रम चीनाच्या नांवाचेर आशिल्लो.
भारताच्या बायलांच्या क्रिकेट पंगडान दिसाचें दुसरें भांगरा पदक निश्चीत केलें. हाचे खेरीत एेश्वर्य प्रताप सिंगान वैयक्तीक 10 मिटर अॅर रायफलांत कांश्या पदक जिखलें. रोइंगेंत भारतान बरें प्रदर्शन केलें. ह्या प्रकारांत दोन कांश्या पदकां जिखलीं. भारतान अजून मेरेन दोन भांगरा पदकां, तीन रुप्या पदकां आनी स कांश्या पदकां जिखल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
