भांगरभूंय | प्रतिनिधी
भांगरभूंय । खबरां मेज
पणजीः तीन दशकांचीं सांस्कृतीक परंपरा आशिल्ल्या चतुरंगाचो जिणे गौरव पुरस्कार अंदू झूज इतिहास लेखक, शिव इतिहास आनी दुर्ग अभ्यासक बाळकृष्ण ऊर्फ आप्पा परब (83) हांका फावो जाला. 18 डिसेंबराक डोंबिवली हांगा जावपी चतुरंग कार्यावळींत तांका हो पुरस्कार भेटयतले. ज्येश्ठ पत्रकार उदय निगुडकार हे ताचे येवकार अध्यक्ष आसात. उक्तावण प्रवीण दुधे हांचे हस्तुकीं जातलें. डॉ विनय सहस्रबुद्धे, सुधीर जोगळेकार, माधव जोशी, प्रसाद भिडे, विनायक परब परब हांचे जिणेचेर उलयतले.
आप्पा परब हांणी शिवाजी म्हाराजांचे पुराय कारकिर्दीचो बारीकसाणेन अभ्यास करून मराठी भाशेंत 40 परस चड पुस्तकां बरयल्यांत. इतिहासाक कागदपत्रांच्या पुराव्या बगर वाटचाक करपाक मेळना, मात अलिखीत संदर्भ साधना उलयनात. तांचो अर्थ तांचो अभ्यास करता ताका सोदून काडचो पडटा. जेन्ना इतिहास उलयना तेन्ना भूगोल उलयता आनी जेन्ना भूगोलूय उलयना तेन्ना विज्ञान उलयता अशें सांगपी आप्पा परब हांका चंतूरंग जिणे गौरव पुरस्कार जाहीर जाल्ले खातीर तांका सगळे कडल्यान परबीं मेळटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
