भांगरभूंय | प्रतिनिधी
मडगांव: शेल्डें- केप्यां दुबावीत जॉयसन फर्नांडीस हाचे सयत हेरांनी 1 मे 2025 दिसा पुलीस कॉन्स्टेबल रोहन नार्वेंकार हाका गाळी संवून मारपेट केल्ली. ह्या प्रकरणांत दुबावीत जॉयसन फर्नांडीस हाणें विदेशांत शिक्षणा खातीर वचपा खातीर न्यायालयांत केल्लो अर्ज न्यायालयान भायरायलो.
शेल्डें- केप्यां मे म्हयन्यांत रातच्या सुमाराक जॉयसन फर्नांडीस (रा. काकोडें, कुडचडें) हाचे सयत हेर पांच ते स दुबावितांनी ब्रायन कॉस्टा आनी फेलिक्स फर्नांडीस हांकां मारपेट करपाची घडणूक घडिल्ली. त्या वेळार घडणूक थळार दाखल जाल्लो पुलीस कॉन्स्टेबल रोहन नार्वेंकार हाच्या कामांत दुबावीत जॉयसन आनी हेरांनी आडखळ हाडली. ताका गाळी संवून मारपेट केल्ली.
दुबावीत जॉयसन फर्नांडीसान दक्षीण गोंय जिल्हो आनी सत्र न्यायालयांत जामिना खातीर अर्ज सादर करून शिक्षणा खातीर विदेशांत वचपाचें आशिल्ल्यान परवानगी दिवची अशी मागणी केल्ली. पूण न्यायालयान दुबाविता आड गुन्यांव जाला. त्या प्रकरणाचो तपास अजूनय पुराय जाल्लो ना. ताका लागून विदेशांत वचपा खातीर परवानगी दिवंक शकना अशें न्यायालयान स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
