भांगरभूंय | प्रतिनिधी
फोंडें: धारबांदोडें पंचायत वाठारांतल्या आंबे-धुल्लय हांगासरले दुदसागर न्हंयचेर रेंव उपशिल्ल्या प्रकरणांत फोंडें पुलिसांनी अनवळख्या मनशा आड गुन्यांव दाखल केला. ह्या प्रकरणांत धारबांदोडें म्हालाचे मामलेदार प्रतापराव गावणेंकार हांणी कागाळ दाखल केल्ली.
दुदसागर न्हंयचे देगेर बेकायदेशीरपणान रेंव उपशिल्ल्याच्या प्रकरणांत म्हालाचे मामलेदार हांणी फोंडें पुलीस स्टेशनार रितसर कागाळ दाखल केल्ली. ते प्रमाण निरिक्षक विजयनाथ कवळेंकार हांच्या मार्गदर्शना खाला उपनिरिक्षक बन्सल नायक हांणी तपास करून अनवळख्या आड गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
