भांगरभूंय | प्रतिनिधी
खबरां संस्था
मेलबॉर्नः वन-डे वर्ल्ड कप क्रिकेट सर्त सुरू जावचे पयलींच ऑस्ट्रेलियन क्रिकेट पंगडान व्हडलो धपको बसला. दुखापतीक लागून तांचो अश्टतासी खेळगडो अॅश्टन अगर पंगडांतल्यान भायर पडला. 5 ऑक्टोबराच्यान भारतांत ही सर्त सुरू जातली. अॅश्टन दुखापतींतल्यान अजून पुराय सावरलो ना.
दुखापतीक लागून अॅश्टन हालींच जाल्ले दक्षीण आफ्रिके आडचे टी-20 माळेंतल्यान भायर पडल्लो. ह्या म्हयन्याचे सुरवेक ताची ऑस्ट्रेलियाचे वन-डे पंगडांत तात्पुरती निवड जाल्ली. भारता आडचे वन-डे माळेंत तो खेळपाक शकलो ना. तन्वीर संघा, मार्नस लाबुशेन आनी मॅथ्यू शॉर्ट हातूंतलो एकलो अॅश्टनाची सुवात घेवपाक शकता. चड करून लाबुशेनाक संद मेळपाची चड शक्यताय आसा.
भारता आडचे वन-डे माळेतल्या निमाणे मॅचींत मार्नस लाबुशेन परत फॉर्मांत आयिल्लो. ताणे तीन मॅचीचें हें माळेंत 46चे सरासरीन 138 धांवड्यो केल्ल्यो. तातूंत एका अर्द शेंकड्याचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
