दीपराज गांवकार म्हारगो खेळगडो

भांगरभूंय | प्रतिनिधी

गोंय क्रिकेट संघटणेचे गोंय प्रिमीयर लीग (जीपीएल) क्रिकेट सर्ती खातीर क्रिकेट खेळगड्यांचे पावणेची प्रक्रिया काल सोंपली. काल पावणेंत जीसीएचे अध्यक्ष विपूल फडके, जोड सचीव रुपेश नायक, आदित्य आंगले आनी प्रशिक्षक संचालक प्रकाश मयेंकार उपस्थीत आशिल्ले.

अंदूंचे जीपीएल क्रिकेट हंगामा खातीर दीपराज गांवकार हो सगल्यांत म्हारगो क्रिकेटर थारलो. ताका 56,000 पॉयण्ट्सान जिनो क्रिकेट क्लबान घेतलो. दुसरे सुवातेर स्नेहल कवठणकार आनी सुयश प्रभुदेसाय हांकां दरेकी 37,000 पॉयण्ट्स मेळ्ळे. स्नेहलाक साळगांवकारान जाल्यार सुयशाक धेंपो क्रिकेट क्लबान घेतलो. गोंयचो रणजी मुखेली दर्शन मिशाळाक 35,000 पॉयण्ट्सान चौगुले स्पोर्ट्स क्लब, अझान थोटाक 33,000 पॉयण्ट्सांनी साळगांवकारान, कश्यप बखलेक 32, 000 पॉयण्ट्सांनी पणजी जिमखानान जाल्यार 24,000 पॉयण्ट्सांनी मोहीत रेडकाराक धेंपो क्रिकेट क्लबान आपल्या पंगडांत घेतलो.

पावणे वरवीं वेंचिल्ले खेळगडे आनी तांचें पंगड अशें आसातः (पणजी जिमखाना)- मंथन खुटकार (11,000), राजशेखर हरिकांत ( 5500), राहुल मेहता (20,000), दिशांक मिस्कीन (8000), हेरंब परब (11000), कश्यप बखले (32,000), शमीक कामत.

(धेंपो क्रिकेट क्लब)- मनीष पै काकोडे (5000), मोहीत रेडकार (24,000), लक्ष्य गर्ग आनि किथ पिंटो (5500), समरु दुभाषी (6500), सुयश प्रभुदेसाय (37000), गौरीश कांबळी.

(एमसीसी)- अभिनव तेजराणा (15000), फॅलिक्स आलेमांव (8000), कौशल हट्टंगडी (5000), ईशान गडेकार आनी अमुल्य पांड्रेकार (दरेकी 18,000), विकास सिंग (22,000), अनूज यादव.

(चौगुले स्पोर्ट्स क्लब)-समर्थ राणे, आयुष वेर्लेंकार, आर्यन नार्वेंकार आनी शुभम तारी (दरेकी 5000), शिवेंद्र भुजबळ (30,000), दर्शन मिशाळ (35,000), तुनीश सावकार.

(साळगांवकार क्रिकेट क्लब)- स्नेहल कवठणकार (37,000), अझान थोटा (33,000), यश कसवणकार (10,000), सनत नेवगी (6500), आदित्य सूर्यवंशी आनी विजेश प्रभुदेसाय (दरेकी 6000), पुंडलीक नायक.

(जिनो स्पोर्ट्स क्लब)-दीपराज गांवकार (56,000), शुभम नायक (11,000), शदाब खान, समीत आर्यन मिश्रा आनी ऋत्विक नायक (दरेकी 5000), शिवम सिंग.