भांगरभूंय | प्रतिनिधी
दोन म्हयन्या खातीर नेमणूक
मुंबय, खबरां संस्था : देशांतले गिरेस्त बँकर उदय कोटकान कोटक महिंद्रा बँकेचे एमडी आनी सीईओ पदाचो राजिनामो दिले उपरांत आतां भारतीय रिझर्व्ह बँकेन दीपक गुप्ता हांकां ‘कोटका’चो अंतरीम वेवस्थापकीय संचालक आनी सीईओ म्हणून नेमणूक केल्या.
रिझर्व्ह बँकेन 7 सप्टेंबराक परिपत्रक जारी करून 2 सप्टेंबर सावन दोन म्हयन्यां खातीर गुप्ता हांची नेमणूक करपाक मान्यताय दिली. उदय कोटकान 1 सप्टेंबराक बँकेचे एमडी आनी सीईओ पद सोडिल्लें. कोटक महिंद्रा बँकेचे संस्थापक उदय कोटक हे बँकेंतल्या 26 टक्के भांडवलाचेर आदारून देशांतले सगळ्यांत गिरेस्त बँकर आसात.
दीपक गुप्ताक बँकींग मळाचो व्हड अणभव आसा आनी ते उदय कोटकाचे वांगडी म्हणून 1999 वर्सा सावन कोटक बँके कडेन संबंदीत आसा. उपरांत कोटक महिंद्रा फायनान्स लिमिटेडांत कार्यकारी संचालक म्हणून तांणी काम केलां. तशेंच कोटकाचो वेवसाय वाडोवपाक आनी 2003 वर्सा कोटकाक बँकींग परवानो मेळोवपाक तांचो व्हड वांटो आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
