भांगरभूंय | प्रतिनिधी
गोंयकार दुयेंतींनी फायदो घेवपाचें आवाहन
पणजीः शारांतल्या अरिहांत हॉस्पिटलांत समाजाचे भलायकीचे उदरगती खातीर जायते उपक्रम चालीक लायतात. खंयचोच दुयेंती उपचारा बगर उरचो न्हय हे खातीर डॉ. एम. डी. दीक्षित हांच्या फुडारपणा खाला अरिहांत हॉस्पिटलांतल्यान दुयेंतींची जतनाय घेवपाची वेवस्था सुरू आसा. हाचो एक भाग म्हूण गोंयांतली नामनेची दीन दयाल स्वास्थ सेवा येवजण अरिहांत हॉस्पिटलांत सुरू जाल्या. हे येवजणे खाला काळजा संबंदीत दुयेंस आशिल्ल्या दुयेंतींक फुकट उपचार दितले. पूण हाचो लाव दुयेंतींनी घेवचो अशें आवाहन हॉस्पिटला वतीन केलां.
हे येवजणे खाला 3 ते 4 वांगडी आशिल्ल्या कुटुंबांक 2.5 लाखां मेरेन आनी 4 ते 5 परस चड वांगडी आशिल्ल्या कुटुंबांक 4 लाखां मेरेन भलायकी सेवा दितात. देखून काळजाक संबंदी दुयेंस आशिल्ल्या नागरिकांनी हे येवजणेचो लाव घेवचो अशें आवाहन हॉस्पिटला वतीन केलां.
हे येवजणे खाला काळजाचे दुयेंस, बायपास बी शस्त्रक्रिया फुकट करतले. देखून काळजाच्या आनी हेर दुयेंसांनी त्रस्त आशिल्ल्या गोंयकार नागरिकांनी अरिहांत हॉस्पिटलांत सुरू केल्ल्या दीन दयाल स्वास्थ सेवा येवजणेचो लाव घेवचो.
गोंयच्या गरीब दुयेंतींक हे येवजणे खाला फुकट उपचार मेळटले. तशेंच हे येवजणेक लागून हॉस्पिटलाक दुयेंतींची जतनाय घेवपाची संद मेळ्ळ्या अशें डॉ. एम. डी. दीक्षित हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
