भांगरभूंय | प्रतिनिधी
फोंडें: लोकविस्वास प्रतिश्ठान ढवळेची विशेश शाळा, कर्णबधीर आनी दृश्टीबादीत शाळांची एकठांय वर्सुकी खेळां सर्त जाली. उक्तावणा वेळार कवळें पंचायतीची पंच वांगडी सुमित्रा नायक आनी प्रिया डोईफोडे खाशेली सोयरी म्हूण हाजीर आशिल्लीं. सगल्या दिव्यांग भुरग्यांचें सुरवातेक धोल, ताश्याच्या गजरात संचलन जालें. शेनाय, धोल आनी तासो भुरग्यांनी एका सुरांत वाजयलो.
सुमित्रा नायक हांणी शारिरीक शिक्षक आनंद नायक हांची तोखणाय केली. शिस्तीक पाळो दिवप हे खातीर तांचें म्हत्वाचें योगदान आसा. शाळेच्या सगल्या कर्मचाऱ्यांचीय तांणी मनापसून तोखणाय केली.
सुरवातेक संस्थेचे अध्यक्ष अनूप प्रियोळकार हांणी येवकार आनी प्रस्तावीक केलें. मुखेल सोयऱ्यांचे हस्तुकीं खेळांज्योत भुरग्यां कडेन दिली. कु. हर्षा धारगळकारान 200 मिटर धांवप ह्या खेळां प्रकाराचें उक्तावण केलें. दृश्टीबादीत विद्यालयाचे शारिरीक शिक्षक लक्ष्मीकांत नायक हांणी हाजीर आशिल्ल्यांचें उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
