भांगरभूंय | प्रतिनिधी
कर्मचारी भरती : शेनवारा, आयतारा सीबीटी परिक्षा
पणजी : तांत्रीक साहाय्यक, तांत्रीक अधिकारी तशेंेच साहाय्यक शिक्षकांच्या पदां खातीर शेनवार 13 सप्टेंबर आनी आयतार 14 सप्टेंबराक सीबीटी परीक्षा जातली. हे परिक्षे खातीर हेर गटांतल्या उमेदवारां परस दिव्यांग उमेदवारांक 35 मिनटांचो चड वेळ मेळटलो. 80 गुणांच्या पेपरा खातीर सगल्या उमेदवारांक 100 मिनटांचो वेळ आसतलो, मात दिव्यांग उमेदवारांक 135 मिनटां पेपरा खातीर मेळटलीं. पेपर पुराय करून सादर केले उपरांत बेगीनूच स्क्रिनीचेर उमेदवाराक परीक्षेचे गूण कळटले.
तांत्रीक साहाय्यक (मेकॅनिकल/इलेक्ट्रीकल) पदा खातीरी सीबीटी-2 परीक्षा 13 तारखेर दनपरां 12 ते 1.40 ह्या वेळार जातली. उत्तर गोंयांत आग्नेल इन्स्टिट्यूट (आसगांव) आनी दक्षीण गोंयांत डॉन बॉस्को इंजीनीअरींग कॉलेज (फातोर्डा) आनी एनआयटी (कुंकळ्ळी) हांगा परिक्षा जातली.
तांत्रीक साहाय्यक (कॉम्प्युटर/इलेक्ट्रॉनिक्स/आयटी), प्रोग्रामर, तांत्रीक अधिकारी, कनिश्ठ तांत्रीक अधिकारी पदा खातीर 14 सप्टेंबराक दनपरां 12 ते 1.40 ह्या वेळार परिक्षा जातली. उत्तर गोंयांत आग्नेल इन्स्टिट्यूट (आसगांव), सेंट झेवियर महाविद्यालय (म्हापशें) जाल्यार दक्षीण गोंयांत डॉन बॉस्को इंजीनीअरींग कॉलेज (फातोर्डा), रोजरी महाविद्यालय (नावेली) आनी एनआयटी (कुंकळ्ळी) हांगा परिक्षा जातली.
तांत्रिक साहाय्यक (सीवील) पदा खातीर 14 सप्टेंबराक दनपरां 3.30 ते 5.10 ह्या वेळार परिक्षा जातली. वयल्या पांच केंद्रांचेर परिक्षा जातली.
साहाय्यक शिक्षक पदा खातीर एकूच सीबीटी जातली. ते खातीर स भाग केल्यात. पयल्या तीन भागां खातीरची परिक्षा 13 सप्टेंबर, जाल्यार उरिल्ल्या भागां खातीरची परिक्षा 14 सप्टेंबराक जातली.
साहाय्यक शिक्षकांच्या इंग्लीश, हिंदी, गणीत आनी संस्कृत विशयांच्या पदां खातीरची परिक्षा 13 तारखेर जातली. उत्तर गोंयांत आग्नेल इन्स्टिट्यूट (आसगांव) हांगा, जाल्यार दक्षीण गोंयांत डॉन बॉस्को बॉस्को इंजीनीअरींग कॉलेज (फातोर्डा) आनी एनआयटी (कुंकळ्ळी) हांगा परिक्षा जातली.
उरिल्ली विज्ञान, कोंकणी, समाज शास्त्र आनी मराठी विशयांच्या साहाय्यक शिक्षक पदा खातीरची परीक्षा 14 सप्टेंबराक जातली. ही परीक्षा उत्तर गोंयांत आग्नेल इन्स्टिट्यूट (आसगांव), सेंट झेवियर महाविद्यालय (म्हापशें) जाल्यार दक्षीण गोंयांत डॉन बॉस्को इंजीनीअरींग कॉलेज (फातोर्डा), रोजरी महाविद्यालय (नावेली) आनी एनआयटी (कुंकळ्ळी) हांगा परिक्षा जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
