भांगरभूंय | प्रतिनिधी
‘गांधी’ चित्रपटाचेंय आयोजन; नागराज मंजुळे हांचो भोवमान
भांगरभूंय । पीआयबी
पणजीः अनंत महादेवन हांणी दिग्दर्शीत ‘द स्टोरीटेलर’ चित्रपटाचो शेनवारा दिव्यांग विभागांत प्रिमियर जालो.
राष्ट्रीय चित्रपट उदरगत निगमाचे वेवस्थापकीय संचालक रविंदर भाकर हांणी ह्या वेळार हाजीर आशिल्ले दिग्दर्शक नागराज मंजुळे हांचो भोवमान केलो.
भाकर हांणी सांगलें, अंदूंचे इफ्फींत नव्या चित्रपटांच्या नव्या शैली सयत नव्या गजालींक सुरवात जाल्या हाका आगळीं कारणां आसात. म्हायती आनी प्रसारण मंत्रालयान खास करून हो महोत्सव सगळ्यां खातीर सोंप करपाचो निर्देश दिल्लो. समाजांतल्या सगळया घटकांक ह्या महोत्सवाचो आनंद मेळपाक तो सक्षम आसचो, अशी इत्सा नागराज मंजुळे हांणी उक्तायल्ली, अशें भाकर हांणी सांगलें.
ह्या वेळार जियो स्टुडियोचे क्रिएटीव्ह डायरेक्टर संजय राम, गोंयच्या दिव्यांग आयोगाचे सचीव ताहा हाजीक हाजीर आशिल्ले.
हाजीक हांणी सांगलें, एमएफडीसी आनी आयएफएफआय वरवीं दिव्यांगा कातीर दोन चित्रपटांचें प्रदर्शन करपा खातीर केल्ल्या यत्नांची तुस्त केली. तांणी प्रेक्षकां मदल्या कांय स्वयंसेवकांक एक श्राव्यवर्णीत चित्रपटाचो अणभव घेवचे खातीर दोळ्यांचेर पट्टी बांदून चित्रपट पळोवचो, अशें सुचलयलें. द स्टोरीटेलर ह्या चित्रपटा सयत रिचर्ड एटनबरो हांचो ऑस्कर पुरस्कार फावो जाल्लो गांधी चित्रपट लेगीत इफ्फींत प्रदर्शीत करचे खातीर ऑडियो- व्हिज्युएला खाला ऑडियो डिस्क्रिप्शन आनी उपशिर्शकांनी नटयला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
