भांगरभूंय | प्रतिनिधी
जानेवारी सावन केंद्र सुरू करपाची ड्रॅगची मागणी
पणजी, प्रतिनिधी : दिव्यांग भुरग्यां खातीर कला कुशळटाय शिकोवपा सयत वेवसायिक प्रशिक्षण दिवपी संजय वोकेशनल केंद्र 3 म्हयने बंद आसा. ह्या केंद्रांत 110 दिव्यांग भुरगी प्रशिक्षण घेतालीं. हे केंद्र बेगिन सुरू करपाची मागणी ड्रॅग संघटणेन केल्या.
ड्रॅगाचे (डिजॅबिलिटी रायटस असोसिएशन ऑफ गोवा) अध्यक्ष आवेलिनो डिसा, पालक- शिक्षक संघाचे अध्यक्ष विर्नोडकार हांणी आयज संजय स्कुलाच्यो वांगडी सचिव नेतल आमोणकार हांची भेट घेवन केंद्र सुरू करपाची मागणी केली. जागो नासले कारणान सध्या तरी केंद्र सुरू करपाचो मार्ग ना, अशें आमोणकार हांणी सांगलें. मुख्यमंत्री डॉ. प्रमोद सावंत हांणी हस्तक्षेप करून जागो उपलब्ध करून दिवचो, अशी मागणी ड्रॅग संघटणेन केल्या. दिव्यांग भुरगी घरा बेकार आसले कारणान तांचे मानसिक स्थितीचेर परिणाम जाता, अशें डिसा हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
