भांगरभूंय | प्रतिनिधी
चंडीगढ, खबरां संस्था: चंडीगढांतले एके फार्मास्युटिकल कंपनीन दिवाळेच्या निमतान आपल्या कर्मचार्यांक गाडयो भेटवस्तू म्हूण दिल्यो. एमआयटीएसान 51 कर्मचार्यांक ह्यो गाडयो भेटयल्यो. ह्यो गाडयो रँक आनी कामगिरी प्रमाण दिल्यो. वरिश्ठ कर्मचार्यांकूय एसयूव्ही मेळ्ळी.
एमआयटीएसचो धनी एमके भाटिया. वर्सभर बरी कामगिरी केल्ल्या कर्मचार्यांक तो दिवाळे दिसा हीं वाहनां भेटवस्तू म्हूण दिता. भाटियान फाटल्या वर्साय आपल्या कर्मचार्यांक वाहनां दिल्लीं. चंडीगढ वाठारांत आपलीच कंपनी दिवाळे दिसा कर्मचार्यांक अश्यो भेटवस्तू दिता असो दावो भाटिया करता.
कर्मचार्यांक गाडयो भेटवस्तू म्हूण कित्याक दिवच्यो?
आमी आमच्या कर्मचार्यांक ऑटोंतल्यान भायर काडून गाडयेंत हाडपाक सोदतात. एमआयटीएस हेल्थकेअर कंपनीचे सीईओ एमके भाटिया हांणी, आपल्याक आपल्या कर्मचार्यांक बायक आनी ऑटोंतल्यान काडून गाडयेंत बसोवपाचे आसात. आपलें सपन पुराय जाल्ल्यान आपल्या कर्मचार्यांचींय सपनां पुराय जावंक जाय अशें तांणी सांगलें. फाटलीं दोन वर्सां तो गाडयो भेटवस्तू दिता: गाडयो वांटपाक खूब आवडटा अशें एम. के. भाटिया सांगता. सगळे कर्मचारी उमेदीन काम करतात, देखून तांचीं सपनां पुराय करप ही आमची जापसालदारकी. फाटल्या दोन वर्सांत आपूण 25 गाडयो भेट दिल्यात अशें तांणी फुडें सांगलें. फाटल्या दिवाळेंत ताणें 13 गाडयो भेट दिल्ल्यो.
यूपींतल्यान येवन वखदां कंपनी तयार केली
एमआयटीएसचे सीईओ मुळांत उत्तर प्रदेशांतल्या मुजफ्फरनगरांतले. थंय ते वैजकी दुकान चलयताले. 2002 वर्सा तांचो वेवसाय उणो जालो, तशेंच तांचेर कोटी रुपयांचें रीण आशिल्लें. उपरांत 2015 वर्सा तो चंडीगढाक गेले आनी थंय ताणें वखदां कंपनी सुरू केली. आतां ते 12 कंपनीं चलयतात.
तांचीं कार्यालयां पंचकुळा आनी चंडीगढांत आसात अशें एम. के. भाटिया सांगता. पयलीं कंपनीच्या नांवान वाहनां घेताले, पूण आतां तीं थेट कर्मचार्याच्या नांवान विकतीं घेतात. आतां मेरेन ताणें शंबरां परस चड कर्मचार्यांक वाहनां दिल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
