भांगरभूंय | प्रतिनिधी
मडगांव : दिवाळेचे गर्देक लागून प्रवाशां खातीर मडगांव ते मुंबय मार्गार विशेश रेल्वे सोडटले. ही गाडी १ नोव्हेंबराक ८ वरांचेर मडगांवच्यान सुट्टली आनी त्याच दिसा मुंबय पावतली.
दिवाळेक जावपी प्रवाशांची गर्दी पयस करपा खातीर मडगांव जंक्शन आनी मुंबय सीएसएमटी मजगतीं गाडी नं. ०२०५२ मडगांव जंक्शन – मुंबय सीएसएमटी विशेश रेल्वे चलोवपाचो निर्णय घेतलो. गाडी नं. ०२०५२ मडगांव जं. – मुंबय सीएसएमटी वन वे स्पेशल मडगांव जंक्शना वयल्यान १ नोव्हेंबराक सकाळीं ८ वरांचेर सुट्टली आनी मुंबय सीएसएमटीक त्याच दिसा १९.२० वरांचेर पावतली. ही १६ डब्यांची गाडी थिये, सावंतवाडी रोड, कुडाळ, कणकवली, रत्नागिरी, चिपळूण, रोहा, पनवेल आनी ठाणे स्टेशनांचेर थारतली. वयल्या गाडयांचे म्हायती आनी वेळे खातीर www.enquiry.indianrail.gov.in वा एनटीईएस अॅपार पळोवचें. प्रवाशांनी हे सेवेचो लाव घेवपाचो उलो रेल्वेन मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
