भांगरभूंय | प्रतिनिधी
दिवचल: दिवचल म्हाल गोमंतक क्षत्रीय मराठा समाजाच्या वांगड्यांची बसका हालींच मुळगांवां जावन अध्यक्षपदार तुळशीदास परब हांची बिनविरोध निवड जाली.
सचीवपदार कालिदास गांवस, भांडारी उमाकांत परब गांवकार, महिला वांगडी अक्षता नायक, सामंता कामत, युवा वांगडी केशव नायक, धनंजय पळ, वांगडी- उमेश गांवस, पद्माकर मळीक, प्रमोद पळ, विठ्ठलदास नायक, साजू पळ, तुषार परब, प्रकाश आरोंदेकार, तृप्ती गाड, रक्षंदा पळ, सुशांत नारुलकार, आकाश मोरजकार, शेखर रावत, राजेश रावत, रोहिदास रावत, गोपी रावत हांची बिनविरोध निवड जाली.
नवे अध्यक्ष तुळशीदास परब हांणी समितीक सगल्यांनी सहकार्य करपाचें आवाहन केलें. कालिदास गांवस हांणी उपकार मानले.
केंद्रीय समितीचे वांगडी दिलीप धारगळकार हांणी सगल्यांक येवकार दिवन प्रास्तावीक केलें.
अखील गोमंतक क्षत्रीय मराठा समाजाचे अध्यक्ष सुहास फळदेसाय हांणी केंद्रीय समितीचें कार्य तशेंच फुडल्या कार्यावळीचीं रुपरेखा सादर केली.
ह्या वेळार माचयेर उपाध्यक्ष विजय कोपरे देसाय, लक्ष्मण परब पालयेंकार, इंचीत देसाय, संजय देसाय, म्हाल प्रतिनिधी शंकर महाले, उत्तर गोंय महिला अध्यक्ष प्रिया परब बी मानेस्त हाजीर आशिल्ले.
समाजांतल्या विद्यार्थ्यांचो भोवमान सुवाळो 29 सप्टेंबराक आयोजीत केल्ल्याचें ह्या वेळार सांगलें.
पर्वरे छत्रपती शिवाजी महाराज संकुलाच्या उबारणीच्या कामांत बरे तरेन अर्थीक मजत करून सहकार्य करपाचें आवाहन उपाध्यक्ष विजय कोपरे देसाय हांणी केलें.
समाजाच्या कार्यकारिणीचे वेंचणुकेंत आमच्या गटाक मतदान करून आमच्या गटांतल्या बाराय वांगड्यांक वेंचून हाडिल्ले खातीर उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
