भांगरभूंय | प्रतिनिधी
भांगरभूंय । प्रतिनिधी
दिवचलः पावसाच्या दिसांनी खणीच्या खंदक वाठारांत अपघात जावचे न्हय हे खातीर फावो ती उपाय येवजण करपा खातीर दिवचलचो मामलेदार राजाराम परब हाणे तांकतिकेची एक बसका घेतली तशेंच खंदकांची वचून पळोवणी केली. जाय ती उपाय येवजण करपाक ताणे संबंदीत खात्यांक सांगलां.
मामलेदारान खण खात्याचे अधिकार आनी हेर सरकारी अधिकाऱ्यांची जोड बसका घेवन नियाळ घेतलो. पावसाच्या दिसांत खंदकांतल्या उदकाची पातळी वाडपाची भिरांत नदरेंत घेवन खंदकांतल्या अतिरिक्त उदकाचो उपसा करपा खातीर घेवपाची जतनाय हाचो तांणी तपशील घेतलो. सगळ्या खण कंपन्यांनी पंपींग करप, मातयेचो भराव सारको दवोरप, पालसाणी कोसळ्यो न्हंय हे खातीर उपाय येवजण करप, आनी हेर सुचोवण्यो मामलेदारान बसकेंत केली.
बसकेक उदका स्रोत खात्याचो अधिकारी नरेश पोकळे, खण विभागाचे दत्तात्रेय परब, नितीन आतोस्कार, उजो पालोवपी आनी वीज खात्याचे अधिकारी हाजीर आशिल्ले. बसके उपरांत सांजे तांणी खण खंदकांची पळोवणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
