भांगरभूंय | प्रतिनिधी
भांगरभूंय। प्रतिनिधी
दिवचलः अयोध्येंत श्रीराम मंदिराचे निर्मणे खातीर 1990 आनी 1992 वर्सा कार सेवक म्हणून गेल्ल्या दिवचलच्या 50 आनी मयें मतदारसंघांतल्या 17 कार सेवकांचो राष्ट्रीय स्वयंसेवक संघाचे श्रीहरी आठल्ये, आमदार डॉ चंद्रकांत शेट्ये, मयेचो आमदार प्रेमेंद्र शेट, राज्यसभा खासदार सदानंद शेट तानावडे हाचे उपस्थितींत भोवमान केलो.
दिवचलच्या कार सेवकांचो भोवमान दीनदयाळ भवनांत जालो. ह्या वेळार श्रीहरी आठलेन अयोध्येंतल्या कार सेवा मजगतींचे अणभव सांगले. दिवचल, मये आनी गोंयांतल्या हेर वाठारांतल्यान कार सेवक म्हणून गेल्ल्यांनी जिवाची पर्वा करनास्तना कार सेवेक योगदान दिलें अशें सांगलें. श्रीराम मूर्ती प्राण प्रतिश्ठापना ही दरेका रामभक्ता खातीर अवर्णनीय अशी घडणूक आसा अशें आमदार डॉ शेट्ये हाणे सांगलें.
मयें हांगा महामाया देवळाच्या आवाठांत 17 कार सेवकाचो तानावडे आनी प्रेमेंद्र शेट हांणी भोवमान केलो. 1990 आनी 1992 वर्सा कार सेवे खातीर अयोध्येंत गेल्ल्या कार सेवकांचो भोवमान करप ही आमचे खातीर अभिमानाची गजाल अशें तानावडेन सांगलें. मयांतल्या कार सेवकांनी अयोध्येत वचून राम मंदिरा खातीर आपली सेवा दिली हें समेस्त मयेंकारां खातीर अभिमानाची गजाल अशें शेट हाणे सांगलें.
ह्या वेळार कार सेवक म्हणून गेल्ले. महेश घाडी,, नरेश पेडणेकार ,जीवन गांवकार, भिकाजी गांवकार (मेल्या उपरांत), वासू गांवकार, एकनाथ घाडी, हेमंत चारी, सुधीर चारी, संजय शिरगांवकार, शेखऱ गांवकार (मेल्या उपरांत), आत्माराम गांवकार, यशवंत घाटवळ ,आनंद घाटवळ ,विश्वास कवठणकर, विजय मांजरेकार ,नवनाथ पाळणी, अंकिता नावेलकार हांचो भोवमान केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
