भांगरभूंय | प्रतिनिधी
कोंकणी सेवा केंद्र आनी झांट्ये म्हाविद्यालयाचो उपक्रम
भांगरभूंय । प्रतिनिधी
दिवचलः गोवा कोंकणी अकादेमी, दिवचल कोंकणी सेवा केंद्र दिवचल आनी झांट्ये म्हाविद्यालय हांच्या जोडपालवान बाल साहित्य कार्यशाळा शेनवारा 23 नोव्हेंबराक आनी 24 नोव्हेंबराक अणकार कार्यशाळा सकाळीं 9 ते सांजेच्या 4 वरां मजगतीं दिवचलेच्या नारायण झांट्ये म्हाविद्यालयांत आयोजीत केल्या. ही म्हायती दिवचल कोंकणी केंद्राचे अध्यक्ष रुपेश ठाणेकार हांणी पत्रकार परिशदेंत दिली. ह्या वेळार तांचे वांगडा डॉ. प्रवीण सावंत, वनश्री चोडणकार, विनायक गोवेकार, राजन उसपकार, श्याम फातर्पेकार, रेश्मा पळ हाजीर आशिल्ली.
23 नोव्हेंबराक सकाळीं 9 वरांचेर कार्यशाळेचें उक्तावण जातलें. डॉ. प्रकाश वजरीकार, डॉ. राजेंद्र कुंभारजुंवेंकार, वसंत सावंत, रुपेश ठाणेकार ह्या वेळार हाजीर आसतले. चेतन आचार्य, रत्नमाला दिवकार, नयना आडारकार हीं मार्गदर्शन करतलीं. 24 नोव्हेंबराक जावपी अणकर कार्यशाळेचें उक्तावण सुवाळ्याक पांडुरंग कुट्टीकार, अनील सावंत, वसंत सावंत, रुपेश ठाणेकार हाजीर आसतले. हे कार्यशाळेंत डॉ. भूषण भावे, स्नेहा सबनीस, सेबी फर्नांडीस मार्गदर्शन करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
